చైల్డ్ ఆర్టిస్ట్ గా కెరీర్ ప్రారంభించి ‘జాంబీరెడ్డి’ సినిమాతో హీరోగా ఎదిగాడు తేజా సజ్జా. హీరోగా తన రెండో సినిమా ఇష్క్ ఈ నెల 23న థియేటర్స్ కి రానుంది. ఇట్స్ నాట్ ఎ లవ్ స్టోరీ అన్న ట్యాగ్ లైన్ తో సినిమా సస్పెన్స్ థ్రిల్లర్ గా ఉండబోతుందనే విషయం తాజాగా రిలీజ్ చేసిన ట్రైలర్ చూస్తే అర్ధమవుతుంది. ప్రియా ప్రకాశ్‌ వారియర్‌ తేజ సరసన నటించిన ఈ సినిమాను ఎస్ఎస్ రాజు డైరెక్ట్ చేసాడు. కాగా ఈ మూవీ ట్రైలర్‌ను సుప్రీమ్ హీరో సాయిధరమ్‌ తేజ్‌ విడుదల చేసారు.

లవ్ కపుల్ గా కనిపిస్తోన్న తేజ, ప్రియా జంట కారు ప్రయాణం ఎలాంటి మలుపులు తిరిగింది? వీరిపై దాడి చేసిందెవరు? ఎందుకు అన్న ప్రశ్నలు ట్రైలర్ తో రేకెత్తించారు. ఈ సినిమాని మెగా సూపర్‌గుడ్‌ ఫిలింస్‌ నిర్మిస్తోంది. నిర్మాత ఆర్‌.బి చౌదరి సమర్పణలో ఎన్వీప్రసాద్, వాకాడ అంజన్‌ కుమార్, పరాస్‌జైన్‌ నిర్మాతలు. సినిమాటోగ్రఫీ శ్యామ్‌ కె నాయుడు అందించారు.

తెలుగులో చాలా కాలం తర్వాత హిట్ కొట్టాలని చూస్తుంది ప్రముఖ నిర్మాణ సంస్థ…’మెగా సూపర్ గుడ్ ఫిల్మ్స్’. ఓ బేబి తర్వాత జాంబిరెడ్డితో పాటూ మరో సైన్స్ ఫిక్షన్ చేస్తున్న ‘తేజ సజ్జ’ హీరోగా ఈ సినిమాను అనౌన్స్ చేసారు. కన్నుగీటి యువహృదయాలను కొల్లగొట్టిన ‘ప్రియా వారియర్’ ఇందులో హీరోయిన్. ఎస్ ఎస్ రాజు దర్శకుడు. ‘ఇష్క్’ అనే పేరుతో టైటిల్ లోగోను తాజాగా లాంచ్ చేసారు ఆర్.బి.చౌదరి. అయితే ‘నాట్ ఎ లవ్ స్టోరీ’ అనేది దీనికి ట్యాగే లైన్.
మలయాళ బ్లాక్ బస్టర్ ఇష్క్ మూవీకి ఇది రీమేక్ అనే ప్రచారం జరుగుతుంది. ఏదేమైనా ఎప్పటినుంచో సరైన హిట్ కోసం ఎదురుచూస్తున్న నిర్మాత ఆర్.బి.చౌదరికి ఈ ప్రాజెక్ట్ చాలా కీలకం. సూర్యవంశం, సుస్వాగతం, రాజా, నువ్వు వస్తావని, ప్రియమైన నీకు, సంక్రాంతి, అందాల రాముడు, గోరింటాకు అంటూ చాలా పద్ధతైన సినిమాలను ప్రేక్షకులకు అందించిన సూపర్ గుడ్ ఫిల్మ్స్…ఈ సినిమాతో తన పంథాను మార్చుకుంటుందా?తేజ సజ్జ, ప్రియా వారియర్ వంటి యంగ్ ఆర్టిస్టులతో సరికొత్త ట్రెండ్ క్రియేట్ చేస్తుందా? అన్నది చూడాలి.