మొత్తం 66 సినిమాల రిలీజ్ లతో 2021 ఫస్ట్ క్వార్టర్ ముగిసింది. ఇప్పుడు ఫోకస్ సమ్మర్ సీజన్ పై పడింది. ఓ వైపు కోవిడ్ 19 సెకండ్ వేవ్ సింప్టమ్స్ కనిపిస్తున్నా…ప్రేక్షకులనే నమ్ముకుని థియేటర్లకొచ్చేస్తున్నాయి భారీ సినిమాలు. 270కోట్ల రూపాయల ప్రీరిలీజ్ బిజినెస్ చేసి ట్రేడ్ వర్గాలకి షాక్ ఇచ్చింది టాలీవుడ్.

ఏప్రిల్ నెల…టాలీవుడ్ కి కీలకంగా మారనుంది. ఈ నెలలో రిలీజయ్యే సినిమాలపై భారీ అంచనాలు పెట్టుకున్నారు మేకర్స్. కోవిడ్ మళ్లీ తిరగబెట్టినా 270కోట్ల థియేట్రికల్ బిజినెస్ చేసి తగ్గేదేలేదంటుంది టాలీవుడ్ ఇండస్ట్రీ. ఏప్రిల్ 2న నాగార్జున వైల్డ్ డాగ్ రిలీజ్ కి రెడీఅయింది. గోకుల్ చాట్ లుంబినీ పార్క్ పేలుళ్ల నేపథ్యం… ఎన్.ఐ.ఏ ఇంటెలిజెన్స్ ఆపరేషన్ కథాంశంతో రూపొందింది ఈ యాక్షన్ థ్రిల్లర్. ఇప్పటికే ప్రమోషనల్ మెటీరియల్ అభిమానుల్లోకి దూసుకెళ్లింది. వైల్డ్ డాగ్ 30కోట్ల థియేట్రికల్ బిజినెస్ చేస్తే…ఏప్రిల్ 2నే వస్తోన్న కార్తీ సుల్తాన్ 10కోట్ల బిజినెస్ చేసింది

ఏప్రిల్ 9న వకీల్ సాబ్ వచ్చేస్తున్నాడు. మూడేళ్ల తర్వాత పవన్ కళ్యాణ్ సినిమా వస్తుండటంతో భారీగానే అంచనాలు పెరిగాయి. ఇప్పటికే రిలీజ్ చేసిన ట్రైలర్ హ్యూజ్ రెస్పాన్స్ తెచ్చుకుంది. 150కోట్ల భారీ థియేట్రికల్ బిజినెస్ తో వస్తోన్న వకీల్ సాబ్ లాభాల బాట పట్టాలంటే..బంపర్ హిట్ కొట్టాల్సిందే. లైన్ లో వేరే మూవీ రిలీజ్ కూడా లేకపోవడంతో వకీల్ గట్టిగానే వాదిస్తాడనే ధీమా మీదున్నారు నిర్మాత దిల్ రాజు.

Pawan Kalyan Craze in theater VakeelSaab Grand Release

వకీల్ సాబ్ తర్వాత ఏప్రిల్ 16న శేఖర్ కమ్ముల లవ్ స్టోరి రిలీజవుతుంది. తెలంగాణ నేపథ్యంలో నాగచైతన్య- సాయిపల్లవి జంటగా నటించారు. సారంగదరియా పాటతో ఒక్కసారిగా లవ్ స్టోరీపై అంచనాలు ఆకాశాన్నంటాయి. ఫిదా తర్వాత శేఖర్ కమ్ముల, సాయిపల్లవి కాంబో కావడంతో యూత్ హిట్ ఇస్తారని నమ్ముతున్నారు మేకర్స్. లవ్ స్టోరీ ఇప్పటికే 35కోట్ల రూపాయల థియేట్రికల్ బిజినెస్ చేసింది.

Naga chaitanya latest movie updates,sai pallavi latest movie updates,Love story movie updates,ahachitram

నాని.. పూర్తి కమర్షియల్ ఫార్మాట్ సినిమా టక్ జగదీష్ తో ఏప్రిల్ 23న రాబోతున్నాడు. నిన్నుకోరి తర్వాత నేచురల్ స్టార్ పెర్ఫామెన్స్ .. శివ నిర్వాణ టేకింగ్ ఈ సినిమాకి ప్లస్ కానున్నాయని అంచనా. ఇక అదేరోజు హీరోయిన్, తమిళనాడు మాజీ ముఖ్యమంత్రి జయలలితగా కంగనా నటించిన తలైవి రిలీజ్ కానుంది. ఎన్నో ఎక్స్ పెక్టేషన్స్, మరెన్నో సర్ప్రైజెస్ తో తలైవి ముస్తాబైంది. టక్ జగదీష్ 35కోట్ల ప్రీరిలీజ్ బిజినెస్ సాధిస్తే…తలైవి 5కోట్ల రూపాయల బిజినెస్ చేయగలిగింది.

ఏప్రిల్ 30న రానా నటించిన విరాట పర్వం రిలీజ్ కానుంది. రానా, సాయి పల్లవి లీడ్ రోల్స్ లో నక్సలిజం బ్యాక్ డ్రాప్ లో సాగే ఎమోషనల్ డ్రామా ఇది. అయితే 20కోట్ల ప్రీరిలీజ్ బిజినెస్ చేసిన విరాటపర్వం వాయిదా పడే అవకాశం ఉందని టాక్. విరాట పర్వం స్థానంలో వెంకీ నారప్ప వచ్చే అవకాశం ఉంది. ఇలా ఏప్రిల్ లో రొటీన్ కి భిన్నంగా కంటెంట్ ఉన్న సినిమాలు రిలీజవుతున్నాయి. వీటిలో ఏది హిట్ గా నిలుస్తుందో చూడాలి.

పిచ్చి కాదు తమది ప్రేమంటుంది పూజా హెగ్దే. ఈ లవ్ స్టోరీ ఎప్పటికీ ప్రేక్షకుల హృదయాల్లో నిలిచిపోతుందని ఆమె మాటలవర్షం కురిపిస్తుంది. డార్లింగ్ ప్రభాస్ జోడీగా ఆమె నటించిన తాజా చిత్రం ‘రాధేశ్యామ్‌’. జూలై 30వ తేదీన విడుదలకు సిద్ధమైన నేపథ్యంలో మహాశివరాత్రి సందర్భంగా ఓ సరికొత్త పోస్టర్‌ను మూవీయ యూనిట్ రిలీజ్ చేసింది. ‘రాధేశ్యామ్‌’ తో పాటూ వెంకీ ‘నారప్ప’తో, రవితేజ ‘ఖిలాడీ’తో హల్చల్ చేస్తున్నారు. మరోవైపు క్రియేటివ్ డైరెక్టర్ కృష్ణవంశీ తన నెక్ట్స్ ప్రాజెక్ట్ అనౌన్స్ చేసారు. ‘అన్నం’: పరబ్రహ్మ స్వరూపం అనే పేరుతో ఈ చిత్రం రూపొందనుంది. టక్ జగదీష్, మోసగాళ్లు, ఇదే మా కథ, గ్యాంగ్ స్టర్ గంగరాజు వంటి సినిమాల నుంచి కూడా మహాశివరాత్రి స్పెషల్ పోస్టర్స్ వచ్చేసాయి.

ఈ బర్త్ డే చాలా స్పెషల్ అంటున్నారు నాచురల్ స్టార్ నాని. ఆల్రెడీ టక్ జగదీష్ గా విడుదలకు సిద్ధమవుతున్నారు. ఓవైపు శ్యామ్ సింగ రాయ్ గా..మరోవైపు సుందరానిగా అలరించేందుకు కసరత్తులు చేస్తున్నారు. మొత్తానికి కరోనా తర్వాత కలిసొచ్చిందంటున్నారు బర్త్ డే బాయ్.. నాని.

సాధారణ స్థాయి నుంచి నాచురల్ స్టార్ గా ఎదిగారు నాని. నాని సినిమా చేస్తున్నారంటే ఏదో విషయం ఉందని నమ్మతారు ప్రేక్షకులు. ఇప్పుడు తాను నటిస్తోన్న సినిమాలు కూడా అలాంటివే. ఈ బర్త్ డే సందర్భంగా తన మూవీలకు సంబంధించిన క్రేజీ అప్డేట్స్ ఇస్తున్నారు. పుట్టినరోజుకు ఒకరోజు ముందుగా టక్ జగదీష్ టీజర్ ను తీసుకొచ్చారు. నిన్ను కోరి తర్వాత శివ నిర్వాణ కాంబినేషన్లో రూపొందిన టక్ జగదీష్ ఏప్రిల్ 23న ప్రేక్షకుల ముందుకు రానుంది.

టాక్సీవాలా ఫేం రాహుల్ సాంకృత్యన్ దర్శకత్వంలో నాని నటిస్తోన్న శ్యామ్ సింగ రాయ్ శరవేగంగా షూటింగ్ జరుపుకుంటోంది. కోల్ కతా బ్యాక్ డ్రాప్ లో పాన్ ఇండియా మూవీగా దీనిని తెరకెక్కిస్తున్నారు. నాని పుట్టినరోజున ఈ సినిమా రిలీజ్ డేట్ ప్రకటించే అవకాశం ఉంది. అంతేకాదు వివేక్ ఆత్రేయతో చేస్తోన్న అంటే సుందరానికి టీం నుంచి కూడా ఓ సర్పైజ్ ఉండబోతుందని టాక్. ఇలా మూడు డిఫరెంట్ సినిమాలతో ఆడియెన్స్ ముందుకు ముచ్చటగా రాబోతున్న నానికి నిజంగానే ఈ బర్త్ డే చాలా స్పెషల్.

Source: Shine Screens

గ‌తేడాది వి అనే చిత్రంతో ఆడియెన్స్ ను పూర్తిగా అల‌రించలేకపోయిన నాని ఈ ఏడాది ఉగాది తర్వాత తన కొత్త సినిమాకు ముహూర్తం పెట్టుకున్నారు. ఏప్రిల్ 16న అనుకున్నప్పటికీ..ఏప్రిల్ 23న టక్ జగదీష్ గా నాని ప్రేక్షకుల ముందుకు వచ్చే అవకాశం ఉంది. నాని 26వ సినిమాగా తెరకెక్కుతున్న ఈ మూవీని… షైన్ స్క్రీన్స్ పతాకంపై సాహు గార‌పాటి, హ‌రీష్ పెద్ది ప్రొడ్యూస్ చేస్తున్నారు. త‌మ‌న్ మ్యూజిక్ కంపోజ్ చేస్తున్నారు.
‘నిన్నుకోరి` వంటి ఎమోషనల్ మూవీ త‌ర్వాత నాని, డైరెక్టర్ శివ నిర్వాణ కాంబినేష‌న్‌లో టక్ జగదీష్ రాబోతుంది. దాదాపు షూటింగ్ పూర్తి చేసుకున్న ఈ సినిమాకి సంబంధించి ప్రమోషనల్ కార్యక్రమాలు షురూ చేసారు. అందులో భాగంగానే ఫిల్మ్ నుంచి “ఇంకోసారి ఇంకోసారి” అనే సాంగ్ లిరిక‌ల్ వీడియోను రిలీజ్ చేశారు. నాని, రీతు వ‌ర్మ జంట‌ డైలాగ్స్ తో కూడిన ఈ పాట మ్యూజిక్ లవర్స్ ని బాగానే ఎట్రాక్ట్ చేస్తుంది.

Source: Aditya music

ప్రేమికుల దినోత్సవాన్ని పురస్కరించుకుని నాని టక్ జగదీష్ అలర్టయింది. సందర్భాన్ని వాడుకునేందుకు ప్రేమగా ఫిక్సయింది. నేచురల్ స్టార్ నాని హీరోగా నటిస్తోన్న ఫ్యామిలీ కం యాక్షన్ చిత్రం ”టక్ జగదీష్”. శివ నిర్వాణ దర్శకత్వంలో ఈ మూవీని షైన్ స్క్రీన్స్ పతాకంపై సాహు గారపాటి – హరీష్ పెద్ది జతగా ప్రొడ్యూస్ చేస్తున్నారు. నాని సరసన రీతూ వర్మతో పాటూ ఐశ్వర్యా రాజేష్ హీరోయిన్ గా కనిపించనున్నారు. ఏప్రిల్ 23న టక్ జగదీష్ ప్రేక్షకుల ముందుకు రాబోతుంది. ప్రజెంట్ పోస్ట్ ప్రొడక్షన్ పనుల్లో ఉన్న ఈ ప్రాజెక్ట్… ఫస్ట్ లుక్ పోస్టర్ కి మంచి రెస్పాన్స్ లభించింది. ఇప్పుడిక వాలెంటైన్స్ డే సందర్భంగా ఈ సినిమా నుంచి మొదటి సింగిల్ సాంగ్ ‘ఇంకోసారి ఇంకోసారి’ ని విడుదల చేయనున్నారు.

సంగీత దర్శకుడు ఎస్.ఎస్. థమన్ కంపోజ్ చేసిన ఈ బ్యూటిఫుల్ మెలోడీ గీతాన్ని ఫిబ్రవరి 13వ తేదీన ఉదయం 9 గంటలకు రిలీజ్ చేయబోతున్నారు. కాగా దీనికి సంబంధించి ఓ లవ్లీ పోస్టర్ ని మూవీ యూనిట్ వదిలింది. హీరోయిన్ రీతూ వర్మ ఒక దగ్గర కూర్చోగా.. మన నాని ఆమె చేయి పట్టుకుని కళ్ళలోకి చూస్తున్నాడు. ఈ సినిమాకి ప్రసాద్ మూరెళ్ల సినిమాటోగ్రాఫర్ గా వర్క్ చేస్తుండగా… ప్రవీణ్ పూడి ఎడిటర్. నాజర్, రోహిణి, డేనియల్ బాలాజీ, ప్రవీణ్, ప్రియదర్శి, నరేష్ వంటి వారు నటిస్తున్నారు. ఇది నాని నటిస్తోన్న 26వ చిత్రం. ‘నిన్నుకోరి’ వంటి బ్లాక్ బస్టర్ తర్వాత… నాని – శివ నిర్వాణ కాంబో మూవీగా వస్తోన్న ‘టక్ జగదీష్’ పై ప్రేక్షకులకి మంచి అంచనాలే ఉన్నాయి.

o

కరోనాతో ఢీలాపడ్డ సినీపరిశ్రమ ప్రస్తుతం తెగ సందడి చేస్తోంది. గతేడాది వాయిదాపడ్డ సినిమాలతో పాటూ ఈ ఏడాది రీలీజ్ కి రెడీ అవుతోన్న సినిమాలు కలుపుకొని టాలీవుడ్ జోరు చూపిస్తోంది. వరుసపెట్టి విడుదల తేదీలను ప్రకటిస్తున్నారు మేకర్స్. అయితే ఈ సంవత్సరం బడా హీరోల మధ్య గట్టి పోటీ నెలకొంది. ఒకే నెలలో నువ్వా నేనా అనుకునేలా పోటీపడుతున్నారు టాలీవుడ్ హీరోలు.
ఏప్రిల్ నెల గురించి తెలిసిందే ఏప్రిల్ 16న నాగచైతన్య, నానిల మధ్య క్లాష్ ఏర్పడుతోంది. ఒక నెల మాత్రమే కాదు ఒకే రోజు వీళ్లిద్దరి లవ్ స్టోరీ, టక్ జగదీష్ విడుదలకు సిద్ధమయ్యాయి. ఇక మే నెల గురించి ప్రత్యేకంగా చెప్పుకోవాలి. ఈ ఒక్క నెలలో చిరంజీవి, వెంకటేశ్, బాలకృష్ణ, రవితేజ సినిమాలు వరుసబెట్టి రిలీజ్ కాబోతున్నాయి. మే 13న చిరూ ‘ఆచార్య’, మే 14న వెంకీ ‘నారప్ప’ వస్తుండగా మే 28న ‘బాలయ్య, బోయపాటి’ కాంబో మూవీతో పాటూ రవితేజ ‘ఖిలాడి’ కూడా బరిలోకి దిగుతోంది. ఆలా బడా హీరోలు ఒకే టైంలో రంగంలో దిగుతున్న ఘట్టం కేవలం 90ల్లో కనిపించేది. మళ్లీ ఇనాళ్లకి ఈ ఫీట్ రిపీట్ కానుంది.
చిరూ రీ ఎంట్రీ మూవీ ‘ఖైదీ నంబర్‌ 150’ రిలీజ్ టైంలోనూ గౌతమీ పుత్ర శాతకర్ణి చిత్రంతో పోటీకొచ్చారు బాలకృష్ణ. కాకపోతే ఈసారి వీళ్లిద్దరి చిత్రాలకు రెండు వారాల తేడా వచ్చి ప్రేక్షకులకు కాస్త రిలీఫ్ నిచ్చింది. కాకపోతే ఆచార్య వచ్చిన ఒక్కరోజు తేడాతోనే నారప్ప విడుదలవుతోంది. అలానే రవితేజ ఖిలాడీ, బాలకృష్ణ సినిమా ఒకేరోజు ఢీకొట్టబోతున్నాయి. దీంతో కలెక్షన్లు తేడా కొట్టే అవకాశమూ లేకపోలేదు. అందుకే ఏప్రిల్ లో నాగచైతన్యను ముందుంచి నాని, చిరూతో పోటీకి వెంకీ, బాలయ్యతో ఎదురులేకుండా రవితేజ తగ్గొచ్చనే సూచనలు కనిపిస్తున్నాయి. మరి నిజంగానే తగ్గుతారా…లేదూ సై అంటే సై అంటారా….అలా అనుకుంటే సినీపోరులో గెలుపెవరిది అన్నది ఆసక్తిగా మారింది.

అదే రిలీజ్ తేదీని పోటీపడి మరి ప్రకటించింది లవ్ స్టోరి టీం. ఆల్రెడీ ఆ డేట్ ను ఎప్పుడో లాక్ చేసిన నాని టక్ జగదీష్ కి సవాల్ విసురుతూ ఎన్నో ఆలోచనల నడుమ ఏప్రిల్ 16నే వచ్చేందుకు సిద్ధమైంది లవ్ స్టోరి. అయితే విడుదల తేదీని రెండు సినిమాలు లాక్ చేస్తే… అది చివరికి రెవెన్యూ షేరింగ్కి దారి తీస్తుంది. అందుకే ఈమధ్య ఎవ్వరూ ఇలాంటి సాహసాన్ని చేయట్లేదు. బరిలో NNNఎవరూ లేకుండా జాగ్రత్తపడుతున్నారు. ఒకేరోజు రెండు సినిమాలు రిలీజైతే ఓపెనింగ్స్ లో షేరింగ్ ఉంటుందికానీ లాంగ్ రన్ లో మాత్రం టాక్ ను బట్టి ఎవరి షేర్ వారికే దక్కుతుంది. అలా కాదు పోటీ లేకుండా ఒక్క సినిమానే రంగంలోకి దిగితే స్పీడ్ రికవరీ పాజిబుల్ అవుతుంది. ఓపెనింగ్స్ భారీ స్థాయిలో వర్కవుట్ అవుతుంది. ఇన్నాళ్లు ఈ ప్లాన్ నే వర్కవుట్ చేస్తున్నారు నిర్మాతలు. కానీ దీన్ని బ్రేక్ చేస్తూ రెండు పెద్ద సినిమాలు ఏప్రిల్ 16న నువ్వా నేనా అనుకుంటున్నాయిప్పుడు.
ఎందుకిలా జరిగింది? నాని నటించిన టక్ జగదీష్ సినిమా ఏప్రిల్ 16న రిలీజ్ల డేట్ ఫిక్స్ చేసుకోగా.. సడెన్ సర్ప్రైజ్ చేస్తూ చై లవ్ స్టోరికి అదే రిలీజ్ డేట్ ను ఖరారు చేయడం చర్చకు దారితీసింది. మజిలీ తర్వాత నాగచైతన్య, ఫిదా తర్వాత శేఖర్ కమ్ముల కలిసి చేస్తున్న లవ్ స్టోరీని నానీపైనే పోటీగా ఎందుకు దించుతున్నారన్నది హాట్ టాపిక్ గా మారింది.

అయితే ఇలా వేడెక్కించడం వెనుక ప్రముఖ పంపిణీదారుడు, ఎగ్జిబిటర్ కూడా అయిన టాలీవుడ్ అగ్ర నిర్మాత ఉన్నారన్న చర్చ నడుస్తోంది. అయితే నాని.. నాగచైతన్య ఈ ఇద్దరు హీరోలతోనూ ఆ నిర్మాతకు మంచి సంబధాలే ఉన్నాయి కానీ… తాను డిస్ట్రిబ్యూట్ చేసే చిత్రాలకే ప్రాధన్యత కావాలనుకోవడం వల్ల ఈ సీన్ క్రియేట్ అవుతుందని అంటున్నారు. అయితే ఈ క్లాష్ ని పరిష్కారించాలంటే హీరోలే బరిలోకి దిగాలి. నాని డిస్సప్పాయింట్ అయినా వెనక్కి తగ్గుతాడని అనుకుంటున్నారు. అంటే టక్ జగదీష్ వాయిదాపడే అవకాశం ఉంది. కానీ బామ్మర్థి, బామ్మర్థే…వ్యాపారం వ్యాపారమే అనుకుంటే ఎవరు లాభపడుతారో, ఎవరు నష్టపోతారో…ఇద్దరికీ సేమ్ రిజల్ట్ దక్కుతుందా…ముందు ముందు తెలుస్తుంది.NN

నాని కొత్త సినిమా రిలీజ్ డేట్ ను ఫిక్స్ చేసుకుంది. నాని హీరోగా శివ నిర్వాణ తెరకెక్కిస్తున్న ‘టక్ జగదీష్’…’ఏప్రిల్ 16’న విడుదలకానుంది. ఈ విషయాన్ని సంక్రాంతి గుడ్ న్యూస్ గా ప్రేక్షకులతో పంచుకుంది చిత్రయూనిట్. ఇలా నాని కొత్త సంవత్సరంలో…అదీ తెలుగు నూతన ఏడాదిలో మొదటి శుక్రవారం థియేటర్స్ కి రానున్నాడు. దీనికి సంబంధించి పెళ్లికొడుకును చేసే సందడితో కూడిన ఫోటోను తాజాగా షేర్ చేసారు.
‘నిన్నుకోరి’ తర్వాత శివ నిర్వాణ, నాని కాంబినేషన్ లో రాబోతున్న సినిమా ఇది. ‘మజిలీ’ వంటి మంచి హిట్ తో జోష్ మీదున్న డైరెక్టర్ శివ..ఈ సినిమాపై భారీ అంచనాలనే అందిస్తున్నాడు. ఇక ‘వి’ ఫ్లాప్ తర్వాత నానికి ఈ సినిమా హిట్ అనేది కీలకంగా మారింది. అందుకే ‘ప్లవనామ సంవత్సరం’లో ముహూర్తాన్ని సెట్ చేసుకున్నాడు. నాని అన్నయ్యగా ‘జగపతి బాబు’ నటిస్తోన్న టక్ జగదీష్ లో ఐశ్వర్య రాజేష్, రీతూవర్మ హీరోయిన్లు. నాజర్, నరేష్, రావు రమేష్, రోహిణి వంటి భారీతారగణమే ఉన్నారీ సినిమాలో.

హిట్ ఫ్లాప్ అన్న లెక్క లేదు. మినిమం గ్యారంటీ హీరో నాని. టాలీవుడ్ ఇండస్ట్రీలో ఎప్పుడూ బిజీనే. నేల విడిచి సాము చేయకుండా..మంచి కథలను ఎంచుకుని వరుస సినిమాలతో దూసుకుపోవడమే తెలుసు నానికి. ఈ హీరో కోసమే కథలు రాసే దర్శకులు ఉన్నారంటే అతిశయోక్తి కాదు. కొత్త దర్శకులందరికీ నానిని డైరెక్ట్ చేయడమే టార్గెట్. ఎందుకంటే కొత్త దర్శకులకు ఛాన్స్ ఇవ్వడంలో ముందుంటాడు నేచురల్ స్టార్. ప్రస్తుతం నాని ఇదే చేస్తున్నాడు. తాజాగా నాని నటిస్తున్న మూడు సినిమాలకు ఒకట్రెండు సినిమాల అనుభవం ఉన్న వాళ్లే. పైగా 2020లో వి సినిమాతో ప్రేక్షకులను కాస్త నిరాశ పరిచిన నాని.. వచ్చే ఏడాది దానికి ట్రిపుల్ బోనస్ ఇవ్వనున్నాడు. ఆడియెన్స్ కు భారీ ఎత్తున ఎంటర్టైన్మెంట్ బాకీని తీర్చుకునేందుకు కసరత్తులు చేస్తున్నాడు.

2021లో మూడు సినిమాలతో రాబోతున్నాడు నాని. ముందుగా టక్ జగదీష్ గా దర్శనమివ్వనున్నాడు. ఏప్రిల్ 2021లో ఈ సినిమా రిలీజ్ కానుంది. నిన్ను కోరి ఫేమ్ శివ నిర్వాణ దర్శకుడు దీనికి. నిన్నుకోరి తర్వాత మజిలితో బ్లాక్ బస్టర్ అందుకున్నాడు. నానితో రెండో సారి పని చేస్తున్నాడు. తాజాగా విడుదలైన ఫస్ట్ లుక్‌కు అదిరిపోయే రెస్పాన్స్ వస్తుంది. ఇందులో జగదీష్ నాయుడుగా కనిపించనున్నాడు నాని. ఈ సినిమా షూట్ క్లైమాక్స్ కు చేరగానే శ్యామ్ సింగ రాయ్ సినిమాను కూడా మొదలు పెట్టాడు నాని. ఈ మధ్యే రెగ్యులర్ షూటింగ్ మొదలైంది. 

2021 ఆగస్టులో శ్యామ్ సింగ రాయ్ విడుదల కానుంది. కోల్ కతా బ్యాక్ డ్రాప్లో సాగే ఈ చిత్రాన్ని టాక్సీవాలా ఫేమ్ రాహుల్ సాంక్రీత్యన్ తెరకెక్కిస్తున్నాడు. ఇందులో సాయి పల్లవి, ఉప్పెన ఫేమ్ కృతి శెట్టి, మడోన్నా సెబాస్టియన్ హీరోయిన్లుగా నటిస్తున్నారు. దాంతో పాటు నాని నటిస్తున్న మూడో సినిమా అంటే సుందరానికి..ఈ సినిమాకు దర్శకుడు బ్రోచేవారెవరురా, మెంటల్ మదిలో చిత్రాలతో మంచి పేరు తెచ్చుకున్న వివేక్ ఆత్రేయ. ఈ సినిమాలో నజ్రియా నజీమ్ హీరోయిన్. మొత్తానికి 2021 మూడు సీజన్స్ లో మూడు సినిమాలు ప్లాన్ చేస్తున్నాడు నాని.