ఉప్పెన డైరెక్టర్ బుచ్చిబాబు తర్వాతి ప్రాజెక్ట్ హీరో ఎన్టీఆర్ అన్నది ప్రస్తుతం హాట్ టాపిక్ గా మారింది. బయటికి చెప్పకపోయినా యంగ్ టైగర్, బుచ్చిబాబు కాంబో కన్ఫర్మ్ అంటున్నారు. ఉప్పెన బ్లాక్ బస్టర్ తర్వాత మైత్రీ మూవీ మేకర్స్ లోనే బుచ్చిబాబు సినిమా చేస్తారని ప్రకటించారు. అది కూడా ఓ స్టార్ హీరో అని చెప్పేసారు. సో ప్రస్తుతం ఆ స్టార్ హీరో ఎన్టీఆర్ అన్నది పక్కా అని టాక్.

ఎన్టీఆర్, బుచ్చిబాబు, మైత్రీ మూవీ మేకర్స్ కాంబినేషన్ లో ఓ పీరియాడికల్ స్టోర్ట్స్ డ్రామా రానుందని సమాచారం. ఈ మూవీలో ఎన్టీఆర్ ను 60ఏళ్ల ఓ మాజీ ప్లేయర్ లా చూపించేందుకు సిద్ధమవుతున్నాడట బుచ్చిబాబు. ఇప్పటికే కథ సిద్ధం చేసిన బుచ్చిబాబు ..దాని తుది మెరుగులు దిద్దే పనిలో ఉన్నారు. త్రిపుల్ ఆర్ తర్వాత ఎన్టీఆర్…త్రివిక్రమ్, ప్రశాంత్ నీల్ డైరెక్టర్స్ తో కలిసి పనిచేయనున్నాడు. మరి బుచ్చిబాబు చిత్రాన్ని పట్టాలెక్కించేది 2022లోనేనా అన్నది తెలియాల్సిఉంది.

2021 సినిమా క్యాలెండర్లో అప్పుడే 3నెలలు గడిచిపోయాయి. లవ్ స్టోరీస్, స్పోర్ట్స్ బ్యాగ్రౌండ్, ఫుల్ లెంత్ కామెడీ, ఫ్యామిలీ ఎంటర్ టైనర్స్ ఇలా క్రేజీ జోనర్స్ లోనే టాలీవుడ్ సినిమాలొచ్చాయి. కానీ కొన్నే సూపర్ హిట్ గా నిలిస్తే…చాలామంది దర్శకనిర్మాతలకు నిరాశే మిగిలింది. ఈ 3 మంత్స్ మూవీ ప్రోగ్రెస్ రిపోర్ట్ ఎలా ఉంది…ఓసారి చెక్ చేద్దాం.

2021 ఫస్ట్ క్వార్టర్ ముగిసింది. కోవిడ్ పాండెమిక్ తర్వాత సంక్రాంతికి మొదలైన టాలీవుడ్ జోరు…మిగిలిన ఇండస్ట్రీలకు షాక్ ఇచ్చింది. సినిమా నచ్చితే చాలు…కరోనాను కూడా కేర్ చేయలేదు తెలుగు ప్రేక్షకులు. అందుకే ఏ ఫిల్మ్ ఇండస్ట్రీలో లేని సందడి టాలీవుడ్ లో కనిపించింది. జనవరి 9న సంక్రాంతి సీజన్ మాస్ రాజా క్రాక్ తో మొదలైంది. బయటికి రావాలంటేనే బిక్కుబిక్కుమన్న జనం క్రాక్ థియేటర్స్ లో రచ్చ చేసారు. క్రాక్ పాజిటివ్ టాక్ తో 2021 తొలి కమర్షియల్ హిట్ అందుకున్నారు రవితేజ.

krack movie, krack movie 2021

క్రాక్ తర్వాత జనవరిలో రిలీజైన ఏ సినిమా కూడా అనుకున్నంత బాగా ఆడలేదు. విజయ్ ఫ్యాన్స్ కు మాత్రమే నచ్చే మాస్టర్ ను తెలుగులో ఆదరించలేదు ఆడియెన్స్. ఎంతో హైప్ క్రియేట్ చేసి జనవరి 14న విడుదలైన బెల్లంకొండ అల్లుడు అదుర్స్ అంచనాలను అందుకోలేదు. దేవీశ్రీ ప్రసాద్, ఛోటా కే నాయుడు వంటి సెన్సేషన్స్ ఉన్నా…డైరెక్టర్ సంతోష్ శ్రీనివాస్ ఎంచుకున్న కథే మైనస్ కావడంతో సంక్రాంతి అల్లుడు పందెంలో గెలువలేకపోయాడు.

Master Vijay, vijay sethupathi, master

జనవరి 14న అల్లుడితో పోటీపడుతూ రెడ్ తో దిగాడు రామ్. అది కూడా డ్యూయర్ రోల్ లో. కానీ రామ్ రెడ్ సైతం సంక్రాంతి హిట్ అనిపించుకోలేదు. రామ్ నటన బాగున్నా అనేక కారణాలతో తెలుగు ప్రేక్షకులకు కనెక్ట్ కాలేదు రెడ్ మూవీ. జనవరి 23న బంగారు బుల్లోడు, 29న మిస్టర్ అండ్ మిస్, 30రోజుల్లో ప్రేమించడం ఎలా, సునీల్ జై సేన…ఇలా సినిమాలు వచ్చినచ్చే వచ్చి పోయాయి. అయితే యాంకర్ ప్రదీప్ 30రోజుల్లో ప్రేమించడం ఎలా ఓపెనింగ్ పర్వాలేదనిపించినా..,లాంగ్ రన్ లో ఏమాత్రం కలెక్షన్స్ రాబట్టలేకపోయింది.

30 rojullo Preminchatam ela release,30 rojullo Preminchatam ela latest update,ahachitram,Pradeep Machiraju,Amritha Aiyer latestnews

2021 ఫిబ్రవరి సీజన్ లీడ్ జాంబిరెడ్డి తీసుకున్నాడు. తెలుగు తెరకు జాంబీలను తీసుకురావడమే కాదు వాటితో కామెడిని క్రియేట్ చేసి హిట్ కొట్టాడు డైరెక్టర్ ప్రశాంత్ వర్మ. ఫిబ్రవరి 12న రిలీజైన బోల్డ్ డ్రామా ఎఫ్ సియుకే, కన్నడ డబ్బింగ్ పొగరు ఫ్లాప్ టాక్ తెచ్చుకోగా…

Zombie Reddy collections

ఉప్పెన ఎవర్ గ్రీన్ సక్సెస్ క్యాచ్ చేసింది. ఈ సినిమాతోనే డెబ్యూ ఇచ్చిన వైష్ణవ్ తేజ్, కృతిశెట్టి, బుచ్చిబాబుల కెరీర్ గ్రాఫ్ అమాంతం పెరిగింది. ఈ ముగ్గురికి తోడు విజయ్ సేతుపతి కలవడంతో ఊహించని గ్రాండ్ సక్సెస్ ఉప్పెన సొంతమైంది.

uppena movie latest news,ahachitram,Krithi Shetty latest movie updates

ఫిబ్రవరి థర్డ్ వీక్ లో థియేటర్స్ కొచ్చాయి సుమత్ కపటధారి, విశాల్ చక్ర, నరేశ్ నాంది సినిమాలు. వీటిలో నాంది మాత్రమే హిట్ కొట్టింది. ఎమోషనల్ డ్రామాను ఆకట్టుకునేలా రాసుకున్న డైరెక్టర్ విజయ్ కనకమేడలకు… అల్లరి నరేశ్ నటన తోడై మంచి చిత్రంగా పేరుతెచ్చుకుంది. అయితే అప్పటికింకా ఉప్పెన జోరు తగ్గకపోవడంతో నాంది అందరికీ రీచ్ కాలేకపోయింది. ఫిబ్రవరి ఎండింగ్ లో క్షణక్షణం, అక్షర, నితిన్ చెక్ సినిమాలు విడుదలయ్యాయి. స్పోర్ట్ అండ్ క్రైమ్ బ్యాక్ డ్రాప్ తో చెక్ సినిమా డిఫరెంట్ గా కనిపించినా నితిన్ కెరీర్ కు ఏమాత్రం హెల్ప్ కాలేదు.

Allari Naresh Naandhi Movie on Aha

మార్చ్ ఫస్ట్ వీక్… ప్లే బ్యాక్, రాజ్ తరుణ్ పవర్ ప్లే, సందీప్ కిషన్ ఏ1 ఎక్స్ ప్రెస్, షాదీ ముబారక్ సినిమాలొచ్చాయి. అన్నీ డిఫరెంట్ పంథాలో సాగినవే. టాక్ బాగున్నా ఏదీ కమర్షియల్ హిట్ అనిపించుకోలేదు. మంచి అంచనాల మధ్య మార్చి సెకండ్ వీక్ మొదలైంది. గాలి సంపత్, శ్రీకారం, జాతిరత్నాలు రిలీజయ్యాయి. జాతిరత్నాలు హ్యూజ్ సక్సెస్ సాధిస్తే…శ్రీకారం యావరేజ్ టాక్ తెచ్చుకుంది. ఆ తర్వాతి వారాల్లో శశి, మోసగాళ్లు, చావు కబురు చల్లగా, అరణ్య, రంగ్ దే, తెల్లవారితే గురువారం బరిలో నిలిచాయి. వీటిలో రంగ్ దే, అరణ్య మిక్స్ డ్ టాక్ తెచ్చుకోగా..మిగిలినవి దర్శకనిర్మాతలకు నిరాశనే మిగిల్చాయి.

jathi ratnalu movie review, jathi athnalu huze response naveen polishetty, rahul rama krishna, priya darshi, Aha Chitram

మొత్తంగా చూసుకుంటే నెలకి ఒక సినిమా అన్నట్టు జనవరిలో క్రాక్, ఫిబ్రవరిలో ఉప్పెన, మార్చిలో జాతిరత్నాలు థియేటర్స్ ని వాష్ అవుట్ చేసాయి. క్రాక్ గ్రాస్ బిజినెస్ దాదాపు 61 కోట్ల రూపాయలు చేయగా 19కోట్ల లాభాన్ని చూసింది. ఉప్పెన 85కోట్ల రూపాయల గ్రాస్ బిజినెస్ తో 31కోట్ల వరకు ప్రాఫిట్ అందుకుంటే…జాతిరత్నాలు 62కోట్ల రూపాయల గ్రాస్ బిజినెస్ తో ఇప్పటివరకు 21కోట్ల రూపాయల ప్రాఫిట్ తో దూసుకుపోతుంది.

వరుస సినిమాలతో దూసుకుపోవడమే కాదు….అవసరమైతే హెచ్చరించడానికి సైతం వెనుకాడలేదు టాలీవుడ్ ప్రముఖ నిర్మాణ సంస్థ. ఎవరికో కాదు తనని సోషల్ మీడియాలో ఫాలో అయ్యే నెటిజన్లకు వార్నింగ్ ఇచ్చింది మైత్రీ మూవీ మేకర్స్. అసభ్య పదజాలంతో ట్వీట్స్ పెడితే బ్లాక్‌ చేస్తామని వార్నింగ్ ఇచ్చింది. ‘ఉప్పెన’తో 2021 ఆరంభంలోనే సూపర్ సక్సెస్ ని సొంతం చేసుకుంది మైత్రిమూవీ మేకర్స్‌. ప్రస్తుతం ఈ సంస్థ ఖాతాలో పెద్ద పెద్ద హీరోలు నటిస్తోన్న…నటించబోతున్న భారీ ప్రాజెక్ట్స్ ఉన్నాయి. దీంతో సినీఅభిమానుల చూపు మైత్రి ప్రొడక్షన్స్ వైపే ఉంది. తమ ఫేవరెట్ హీరోల సినిమా కబుర్ల అప్‌డేట్స్ కోరుతూ ప్రేక్షకులు మైత్రి మూవీస్‌ సంస్థకు ట్వీట్స్ కూడా చేస్తున్నారు. అయితే, కొందరు ఆకతాయిలు మాత్రం అసభ్యపదాలను వాడుతూ కామెంట్స్ కొడుతున్నారు. అందుకే హెచ్చరిస్తూ ట్వీట్ చేయాల్సివచ్చింది మైత్రి మూవీ మేకర్స్‌ వారికి. ‘అసభ్య పదాలతో ట్వీట్స్ చేసే ఆకతాయిల అకౌంట్స్ ఇక నుంచి బ్లాక్‌ చేస్తాం. హ్యాపీ సోషల్‌ మీడియా స్పేస్‌ కోసం అందరం చేతులు కలుపుదాం’ అంటూ తెలియజేసింది.

మెగా ఫ్యామిలీ హీరో వైష్ణవ్‌ తేజ్ న‌టించిన ఫస్ట్ మూవీ ‘ఉప్పెన’ సూప‌ర్ హిట్ అయిన సంగతి తెలిసిందే. దీంతో ఆ మూవీ యూనిట్ తాజాగా విజయోత్సవ సంబ‌రాలు చేసుకుంది. హైదరాబాద్‌లో జ‌రిగిన ఈ ప్రైవేట్ కార్య‌క్ర‌మంలో సినీ ప్ర‌ముఖులు పెద్ద ఎత్తున పాల్గొన‌డంతో ఇందుకు సంబంధించిన ఫొటోలు సోషల్ మీడియాలో వైర‌ల్ అవుతున్నాయి. మెగాస్టార్‌ చిరంజీవితో పాటు అల్లు అర్జున్‌, సాయి‌ తేజ్‌, సుకుమార్ ప‌లువురు ద‌ర్శ‌కులు, నిర్మాత‌లు, మరికొందరు సెలబ్రిటీస్ సైతం ఇందులో పాల్గొన్నారు.

Image
ImageImageImage

రీసెంట్ గా 100కోట్ల క్లబ్ లో చేరింది ఉప్పెన. దీంతో నిర్మాణ సంస్థ మైత్రీ మూవీ మేకర్స్ అడక్కుండానే ఉప్పెన టీమ్ పై వరాల జల్లు కురుపిస్తోంది. నిజానికి 50లక్షల పారితోషకాన్ని వైష్ణవ్ తేజ్ తో మాట్లాడుకున్నారు. కానీ సినిమా బ్లాక్ బస్టర్ కావడంతో ఇప్పుడు కోటి రూపాయలు అదనంగా ఇచ్చారట. అంటే డబుల్ బొనాంజాలా మనీ అందుకున్నాడు వైష్ణవ్ తేజ్. అలాగే కృతిశెట్టికి సైతం 25లక్షల రూపాయలను బహుమతిగా అందించినట్టు చెప్తున్నారు.

ఇప్పుడు వరుస సినిమాలతో బిజీగా మారాడు వైష్ణవ్ తేజ్. ఇప్పటికే డైరెక్టర్‌ క్రిష్‌ కాంబినేషన్లో ‘జంగిల్‌ బుక్’‌ పూర్తి చేసాడు ఈ మెగా హీరో. ఇందులో రకుల్ ప్రీత్ సింగ్ హీరోయిన్. ఈ ప్రాజెక్ట్ తర్వాత అన్నపూర్ణ బ్యానర్‌లో ఓ చిత్రం..ఆపై భోగవల్లి ప్రసాద్‌ బ్యానర్‌లో మరో ప్రాజెక్ట్ కి కమిటయ్యాడు. నిర్మాత భోగవల్లి ప్రసాద్ నిర్మించబోయే సినిమాలో హీరోగా మొదట నానిని అనుకున్నారట. కానీ నాని రిజెక్ట్ చేయడంతో అదే కథతో సినిమా చేయబోతున్నాడు వైష్ణవ్ తేజ్.

మెగా డాటర్‌ కొత్త పెళ్లికూతురు నిహారిక కొణిదెల..త్వరలోనే ఓ మూవీతో వస్తున్నానట్టు అందర్నీ ఆశ్చర్యపరిచింది. ‘ఓ మంచి రోజు చూసి చెప్తా’ అనే పేరుతో మార్చి 19న తాను నటించిన సినిమాతో ప్రేక్షకుల ముందుకు రాబోతుంది. ఈ విషయాన్ని చిత్రయూనిట్ అధికారికంగా ప్రకటించింది. తాజాగా ఈ ప్రాజెక్ట్ ఫస్ట్ లుక్ పోస్టర్‌ను రిలీజ్ చేసారు మేకర్స్. అపోలో సంస్థ పతాకంపై నిర్మిస్తోన్న ఈ చిత్రంలో తమిళ్ స్టార్‌ విజయ్‌ సేతుపతి కీలక పాత్రలో నటింతడం విశేషం. ప్రేక్షకులకు ఇది నిజంగా ఓ సర్పైజ్. యువరాణి పాత్రలో నిహారికా కనిపిస్తుండగా .. యమధర్మరాజుగా విజయ్ సేతుపతి నటించారు.

లాస్ట్ ఇయర్ నిహారిక చైతన్య మూడు ముళ్ల బంధంతో ఒక్కటైన విషయం తెలిసిందే. అయితే పెళ్లి తర్వాత రిలీజ్ కాబోతున్న ఆమె ఫస్ట్ మూవీ ఇదే. కాగా తాజాగా రికార్డుల వర్షం కురుపిస్తున్న ‘ఉప్పెన’ లోని హీరోయిన్‌ తండ్రిగా నటించి టాలీవుడ్ ప్రేక్‌ుకుల‌కు చాలా ద‌గ్గ‌రైన మక్కల్ సెల్వన్ విజ‌య్ సేతుప‌తి ఇలా యమధర్మ రాజుగా కనిపిస్తుండటం, కొత్త పెళ్లికూతురు నిహారికా యువరాణిగా నటించడం సినిమాకి కలిసొచ్చే అంశాలని అంటున్నారు.

రోజురోజుకీ పెరుగుతున్న కలెక్షన్లతో సునామీ సృష్టిస్తోంది ఉప్పెన చిత్రం. తాజాగా ఈ సినిమాను నంద‌మూరి బాల‌కృష్ణ త‌న కుటుంబంతో క‌లిసి వీక్షించారు. డైరెక్టర్ బుచ్చిబాబు కోరిక మేరకు ఉప్పెన చూసిన బాలయ్యబాబు… సినిమా చాలా బాగుంద‌ని చిత్ర బృందంపై ప్ర‌శంస‌లు కురిపించారు. డైరెక్టర్ బుచ్చిబాబుతో కలిసి బాలకృష్ణ దిగిన ఫోటో వైరల్ గా మారింది.

మరోవైపు ఉప్పెన టీమ్ కు కానుకలు అందిస్తున్నారు మెగాస్టార్ చిరంజీవి. నిన్ననే మ్యూజిక్ డైరెక్టర్ దేవిశ్రీప్రసాద్ కి ఓ లేఖతో పాటూ గిఫ్ట్ పంపిన మెగాస్టార్…తాజాగా కృతిశెట్టిని సైతం ప్రశంసిస్తూ గిఫ్ట్ సెండ్ చేసారు. ఈ ఇద్దరూ కూడా మెగా కానుక నిజంగా అదృష్టమని భావిస్తూ సోషల్ మీడియా వేదికగా తమ ఆనందాన్ని వ్యక్తంచేసారు. అయితే దాదాపు ఉప్పెన టీమ్ మొత్తానికి మెగాస్టార్ ప్రశంసల కానుకలు పంపిస్తున్నట్టు తెలుస్తోంది.

హీరో పాత్రలే కావాలని ఒకరు, కథానాయికగానే మెప్పించాలని మరొకరు ఎప్పుడూ ఎదురుచూడరు. పాత్ర నచ్చితే ఎలాంటిదైనా, ఎంత నిడివి ఉన్నా గ్రీన్ సిగ్నల్ ఇచ్చేస్తారు. కలకాలం ఆ రోల్…రోల్ మోడల్ అయ్యేలా కష్టపడైనా సరే నటించి చూపిస్తారు. వాళ్లే విజయ్ సేతుపతి, వరలక్ష్మీ శరత్ కుమార్. అసలు ఓవైపు హీరోగా చేస్తూనే…మరోవైపు తండ్రి పాత్ర అది కూడా టీనేజ్ అమ్మాయికి తండ్రిగా నటించాలంటే ఎవరూ సాధారణంగా ముందుకు రారు. కానీ విజయ్ సేతుపతి వచ్చారు. ఉప్పెనతో ఇరగదీసారు. వహ్వా అనిపించారు. అలాగే నడి వయస్సు పాత్రలో రౌడీగా కనిపించాలంటే ఏ హీరోయిన్ అంగీకరించదు. కానీ క్రాక్ తో కిర్రాక్ పుట్టించారు వరలక్ష్మీ శరత్ కుమార్.

తెలుగు, తమిళ్ ఇండస్ట్రీల్లో ఇప్పుడు వీళ్లిద్దరి గురించే చర్చ నడుస్తోంది. ఎలా ఇలా నటించగలుగుతున్నారనే ఆశ్చర్యం వక్తం చేస్తున్నారు స్టార్ నటులు, దర్శకులు. హీరోగా, విలన్ గా, తండ్రిగా చివరికి సూపర్ డీలక్స్ చిత్రంలో ట్రాన్స్ జెండర్ గా కూడా నటించి నిజమైన హీరో అనిపించారు విజయ్ సేతుపతి. ఇప్పుడిక నాలుగు అడుగులు ముందుకు వేసి ఈయన బాలీవుడ్ బాట పడుతుంటే…వరలక్ష్మీని లేడీ విజయ్ సేతుపతి అన్న ట్యాగ్ లైన్ తో ఇప్పుడిప్పుడే సౌత్ మొత్తం గుర్తిస్తోంది. అల్లరి నరేశ్ నాంది సినిమాలో లాయర్ గా అద్భుతమైన నటనను ప్రదర్శించారట వరలక్ష్మీ శరత్ కుమార్. ఇప్పుడామెకు వరుసగా ఆఫర్లు క్యూకడుతున్నాయి.

ఉప్పెన సినిమా టాలీవుడ్ లో సూపర్ సక్సెస్ అవ్వడంతో.. తమిళ్ లో రీమేక్ చేయబోతున్నారు. ఈ మూవీ రీమేక్ హక్కులు విజయ్ సేతుపతి దక్కించుకున్నారు. అయితే తమిళ స్టార్ హీరో దళపతి విజయ్ తనయుడు సంజయ్ ను ఈ మూవీతో పరిచయం చేయాలని చూస్తున్నారు. ఇక సేం తెలుగులో చేసిన విలన్ రోల్ లోనే విజయ్ సేతుపతి కనిపించనున్నారు.

కలెక్షన్ల విషయంలో.. ఇప్పటికే 50 కోట్ల మార్క్ ను దాటేసింది ఉప్పెన సినిమా. రోజు రోజుకి సినిమా కు రెస్పాన్స్ పెరిగిపోతోంది. ఈ రెండు రోజుల్లోనే ఉప్పెన 60 కోట్ల మార్క్ ను దాటే అవకాశం ఉన్నట్టు తెలుస్తోంది.
సూపర్ సక్సెస్ తో దూసుకుపోతున్న ఉప్పెన సినిమా టీమ్ విజయోత్సవాలు చేయబోతున్నారు. 17న రాజమండ్రిలో సక్సెస్ మీట్ తో పాటు సంబరాలు చేయబోతున్నారు. ఈ వేడుకలకు మెగా పవర్ స్టార్ రామ్ చరణ్ ముఖ్య అతిథిగా రాబోతున్నట్టు ప్రకటించారు.

వైష్ణవ్ తేజ్, కృతిశెట్టి నటించిన ఉప్పెన ఫిబ్రవరి 12న రిలీజ్ కానుంది. అయితే విడుదలకు ముందే కాల్షీట్స్ ఖాళీ లేకుండా చేసుకుంటోంది హీరోయిన్ కృతిశెట్టి. మొన్న ప్రీరిలీజ్ ఈవెంట్ లో చిరంజీవి అన్న మాటలు అక్షరాల నిజమవుతున్నాయి. ఈ అమ్మాయి డేట్స్ ఇప్పుడే బుక్ చేసుకోండి…లేదంటే మీకు దొరక్కపోవచ్చు అని కామెంట్ చేసారు చిరూ. దానికి తగ్గట్టే ప్రస్తుతం కృతి జపం చేస్తున్నారు దర్శకనిర్మాతలు. దాదాపు సంవత్సరం నుంచి వినిపిస్తోన్న పాటలు, ఫస్ట్ లుక్, టీజర్స్ నుంచి రీసెంట్ ట్రైలర్ వరకు కృతిశెట్టిని చూసిన కుర్రకారు దాసోహం అంటోంది.

ఇప్పటికే నాని శ్యామ్ సింగ రాయ్ మూవీతో పాటూ మోహనకృష్ణ ఇంద్రగంటి, సుధీర్ బాబు కాంబో చిత్రంలో హీరోయిన్ గా నటిస్తోంది కృతిశెట్టి. కాగా తాజాగా అక్కినేని వారసుడితో నటించే ఛాన్స్ కొట్టేసింది. అక్కినేని అఖిల్ సరసన కృతిశెట్టి నటించబోతుందనే వార్త ప్రస్తుతం ప్రచారంలో ఉంది. అయితే సురేందర్ రెడ్డి దర్శకత్వంలో అఖిల్ నటించబోతున్న సినిమాలోనా, వేరే ప్రాజెక్ట్ లోనా అన్నది తెలియాల్సిఉంది. ఎందుకంటే సురేందర్ రెడ్డి మూవీలో వైద్యాసాక్షి అనే కొత్తమ్మాయిని పరిచయం చేస్తున్నారని ఇప్పటికే వార్తలొచ్చాయి. మరి ఆ భామని కృతిశెట్టితో రీప్లేస్ చేస్తున్నారా అన్నది మరికొన్ని రోజుల్లో తెలియనుంది.