మొత్తం 66 సినిమాల రిలీజ్ లతో 2021 ఫస్ట్ క్వార్టర్ ముగిసింది. ఇప్పుడు ఫోకస్ సమ్మర్ సీజన్ పై పడింది. ఓ వైపు కోవిడ్ 19 సెకండ్ వేవ్ సింప్టమ్స్ కనిపిస్తున్నా…ప్రేక్షకులనే నమ్ముకుని థియేటర్లకొచ్చేస్తున్నాయి భారీ సినిమాలు. 270కోట్ల రూపాయల ప్రీరిలీజ్ బిజినెస్ చేసి ట్రేడ్ వర్గాలకి షాక్ ఇచ్చింది టాలీవుడ్.

ఏప్రిల్ నెల…టాలీవుడ్ కి కీలకంగా మారనుంది. ఈ నెలలో రిలీజయ్యే సినిమాలపై భారీ అంచనాలు పెట్టుకున్నారు మేకర్స్. కోవిడ్ మళ్లీ తిరగబెట్టినా 270కోట్ల థియేట్రికల్ బిజినెస్ చేసి తగ్గేదేలేదంటుంది టాలీవుడ్ ఇండస్ట్రీ. ఏప్రిల్ 2న నాగార్జున వైల్డ్ డాగ్ రిలీజ్ కి రెడీఅయింది. గోకుల్ చాట్ లుంబినీ పార్క్ పేలుళ్ల నేపథ్యం… ఎన్.ఐ.ఏ ఇంటెలిజెన్స్ ఆపరేషన్ కథాంశంతో రూపొందింది ఈ యాక్షన్ థ్రిల్లర్. ఇప్పటికే ప్రమోషనల్ మెటీరియల్ అభిమానుల్లోకి దూసుకెళ్లింది. వైల్డ్ డాగ్ 30కోట్ల థియేట్రికల్ బిజినెస్ చేస్తే…ఏప్రిల్ 2నే వస్తోన్న కార్తీ సుల్తాన్ 10కోట్ల బిజినెస్ చేసింది

ఏప్రిల్ 9న వకీల్ సాబ్ వచ్చేస్తున్నాడు. మూడేళ్ల తర్వాత పవన్ కళ్యాణ్ సినిమా వస్తుండటంతో భారీగానే అంచనాలు పెరిగాయి. ఇప్పటికే రిలీజ్ చేసిన ట్రైలర్ హ్యూజ్ రెస్పాన్స్ తెచ్చుకుంది. 150కోట్ల భారీ థియేట్రికల్ బిజినెస్ తో వస్తోన్న వకీల్ సాబ్ లాభాల బాట పట్టాలంటే..బంపర్ హిట్ కొట్టాల్సిందే. లైన్ లో వేరే మూవీ రిలీజ్ కూడా లేకపోవడంతో వకీల్ గట్టిగానే వాదిస్తాడనే ధీమా మీదున్నారు నిర్మాత దిల్ రాజు.

Pawan Kalyan Craze in theater VakeelSaab Grand Release

వకీల్ సాబ్ తర్వాత ఏప్రిల్ 16న శేఖర్ కమ్ముల లవ్ స్టోరి రిలీజవుతుంది. తెలంగాణ నేపథ్యంలో నాగచైతన్య- సాయిపల్లవి జంటగా నటించారు. సారంగదరియా పాటతో ఒక్కసారిగా లవ్ స్టోరీపై అంచనాలు ఆకాశాన్నంటాయి. ఫిదా తర్వాత శేఖర్ కమ్ముల, సాయిపల్లవి కాంబో కావడంతో యూత్ హిట్ ఇస్తారని నమ్ముతున్నారు మేకర్స్. లవ్ స్టోరీ ఇప్పటికే 35కోట్ల రూపాయల థియేట్రికల్ బిజినెస్ చేసింది.

Naga chaitanya latest movie updates,sai pallavi latest movie updates,Love story movie updates,ahachitram

నాని.. పూర్తి కమర్షియల్ ఫార్మాట్ సినిమా టక్ జగదీష్ తో ఏప్రిల్ 23న రాబోతున్నాడు. నిన్నుకోరి తర్వాత నేచురల్ స్టార్ పెర్ఫామెన్స్ .. శివ నిర్వాణ టేకింగ్ ఈ సినిమాకి ప్లస్ కానున్నాయని అంచనా. ఇక అదేరోజు హీరోయిన్, తమిళనాడు మాజీ ముఖ్యమంత్రి జయలలితగా కంగనా నటించిన తలైవి రిలీజ్ కానుంది. ఎన్నో ఎక్స్ పెక్టేషన్స్, మరెన్నో సర్ప్రైజెస్ తో తలైవి ముస్తాబైంది. టక్ జగదీష్ 35కోట్ల ప్రీరిలీజ్ బిజినెస్ సాధిస్తే…తలైవి 5కోట్ల రూపాయల బిజినెస్ చేయగలిగింది.

ఏప్రిల్ 30న రానా నటించిన విరాట పర్వం రిలీజ్ కానుంది. రానా, సాయి పల్లవి లీడ్ రోల్స్ లో నక్సలిజం బ్యాక్ డ్రాప్ లో సాగే ఎమోషనల్ డ్రామా ఇది. అయితే 20కోట్ల ప్రీరిలీజ్ బిజినెస్ చేసిన విరాటపర్వం వాయిదా పడే అవకాశం ఉందని టాక్. విరాట పర్వం స్థానంలో వెంకీ నారప్ప వచ్చే అవకాశం ఉంది. ఇలా ఏప్రిల్ లో రొటీన్ కి భిన్నంగా కంటెంట్ ఉన్న సినిమాలు రిలీజవుతున్నాయి. వీటిలో ఏది హిట్ గా నిలుస్తుందో చూడాలి.

వకీల్ సాబ్ ప్రీరిలీజ్ ఈవెంట్ కు బ్రేక్ పడింది. ఏప్రిల్ 3న యూసుఫ్‌గూడ పోలీస్‌లైన్స్ లోని స్పోర్ట్స్‌గ్రౌండ్స్‌ లో ప్రీరిలీజ్ ఫంక్షన్ ప్లాన్ చేసారు మేకర్స్. కానీ కోవిడ్ విజృంభణ కారణంగా జూబ్లీహిల్స్‌ పోలీసులు అనుమతి నిరాకరించారు. దీంతో ఏం చేయాలన్న డైలమాలో పడ్డారు నిర్మాత దిల్ రాజు. ఎలాగూ ట్రైలర్ తోనే పవన్ మేనియా సృష్టించారు కాబట్టి…డిజిటల్ ప్రచారాన్నే నమ్ముకోబోతున్నారు. ఇక ఎక్కువ టైం కూడా లేదు కాబట్టి డైరెక్టర్ వేణూ శ్రీరామ్ రంగంలోకి దిగారు. వకీల్ సాబ్ తో తన అనుభవాన్ని మీడియాతో పంచుకున్నారు.

తెలుగు రాష్ట్రాలలోనే కాదు ‘ఓవర్సీస్‌’ మార్కెట్‌పై కూడా కన్నేసాడు వకీల్ సాబ్. తాజాగా ఏప్రిల్ 8న రిలీజ్ కాబోతున్న యూఎస్ఎ థియేటర్స్ లిస్ట్ ను పోస్ట్ చేసారు. మనకంటే ఒకరోజు ముందుగా అక్కడ రిలీజ్ ఉండబోతుంది కాబట్టి ఫ్యాన్స్ రెచ్చిపోండి అంటూ పోస్టర్ ను రిలీజ్ చేసారు. పనిలో పనిగా ముందురోజు ఒకలా, తర్వాతి నుంచి ఒకలా రేట్ ను ఫిక్స్ చేసారు. తెలుగు రాష్ట్రాల్లో కూడా అదే వర్తింపజేస్తారనే ప్రచారం జరుగుతుంది. చూడాలి మరి.

మూడేళ్ల నిరీక్షణ…అజ్ఞాతవాసి తర్వాత ఆకలి మీదున్నారు పవర్ స్టార్ ఫ్యాన్స్. వకీల్ సాబ్ ట్రైలర్ రిలీజ్ కే సినిమా విడుదలైనంత హైప్ తీసుకొచ్చారు. మరి మూవీ రిలీజైతే? చూస్తుంటే ఈ మేనియా ఇక్కడితో ఆగేలా లేదు. ఏప్రిల్ 9…వకీల్ సాబ్ థియేటర్లకి వచ్చే వరకు ఏం జరుగబోతుంది? పవన్ ఫ్యాన్స్ సందడి పీక్స్ కు చేరుతుందా?

పవర్ స్టార్ మేనియా షురూ అయింది. పవన్ ఫ్యాన్స్ ఎప్పుడెప్పుడా అని వెయిట్ చేస్తోన్న వకీల్ సాబ్ ట్రైలర్ రానేవచ్చింది. హ్యాష్ వకీల్ సాబ్ ట్రైలర్ డే పేరుతో ఫ్యాన్స్ ట్రెండ్ క్రియేట్ చేస్తున్నారు. ట్రైలర్ విడుదలైన కొన్ని గంటల్లోనే 1.65కోట్లకు పైగా వ్యూస్‌, 9లక్షలకు పైగా లైక్స్‌ అందుకోని రికార్డులను తిరగరాస్తోంది. దాదాపు మూడేళ్ల తర్వాత పవన్‌ కల్యాణ్‌ ‘వకీల్ సాబ్’గా ప్రేక్షకుల ముందుకు వస్తుండటంతో… ఎలాంటి అప్ డేట్ వచ్చినా ఫ్యాన్స్ రచ్చ రచ్చ చేస్తున్నారు. మరోవైపు బాబాయ్..మైండ్ బ్లోయింగ్ అంటూ రామ్ చరణ్ ట్రైలర్ చూసి ట్వీట్ చేసారు. ట్రైలర్ కే ఇలా ఉంటే రిలీజ్ రోజు థియేటర్స్ బ్లాస్టే అంటూ బండ్ల గణేశ్ వంటి వారు కామెంట్ చేస్తున్నారు.

బాలీవుడ్ హిట్ మూవీ పింక్ రీమేక్ అయినా… పవన్ ఇమేజ్ కి తగినట్టు, మన నేటివిటీకి అనుగుణంగా కథలో మార్పులు చేసారు డైరెక్టర్ వేణు శ్రీరామ్‌. కాగా నైజాం, ఈస్ట్, వైజాగ్, నెల్లూర్ ప్రాంతాల్లోని కొన్ని థియేటర్లలో వకీల్ సాబ్ ట్రైలర్ ని సరికొత్తగా రిలీజ్ చేసిన విషయం తెలిసిందే. సినిమా రిలీజైతే ఎలాంటి సందడి ఉంటుందో…వకీల్ సాబ్ ట్రైలర్ రిలీజ్ కు అంతే సరదా కనిపించింది. థియేటర్లలో పవర్ స్టార్ ఫ్యాన్స్ ఓ రేంజ్ హంగామాను సృష్టించి…వకీల్ సాబ్ కోసం ఎంతలా వెయిట్ చేస్తున్నారో చెప్పకనే చెప్పారు.

పవన్ కళ్యాణ్ సినిమా వచ్చిందంటే మొదటి రోజు చూడాల్సిందే. ఫస్ట్ డే…ఫస్ట్ షోలో కూర్చోవల్సిందే. ఈ విషయం వకీల్ సాబ్ నిర్మాతలకు తెలుసు. అందుకే తొలిరోజే వీలైనంత కలెక్షన్స్ రాబట్టాలని ప్లాన్ చేస్తున్నారు. ఏప్రిల్ 8 అర్థరాత్రి నుంచి మూడు మిడ్‌నైట్ షోలను ఏర్పాటు చేస్తున్నారు. దీనికోసం 1500రూపాయల టికెట్ ఫిక్స్ చేసారని టాక్. అంతేకాదు ఏప్రిల్ 9 నుంచి నార్మల్ టికెట్ 200వరకు ఉంటుందనీ చెప్తున్నారు. మరోవైపు 2వందలు కాదు, 2వేలు కాదు…తమ ఫేవరేట్ హీరో కోసం ఎంతైనా పెట్టేందుకు సిద్ధమంటున్నారు పవర్ స్టార్ ఫ్యాన్స్.

పవర్ స్టార్ మేనియా షురూఅయింది. పవన్ ఫ్యాన్స్ ఎప్పుడెప్పుడా అని వెయిట్ చేస్తోన్న వకీల్ సాబ్ ట్రైలర్ రానేవచ్చింది. హ్యాష్ వకీల్ సాబ్ ట్రైలర్ డే పేరుతో ఫ్యాన్స్ ట్రెండ్ క్రియేట్ చేస్తున్నారు. ట్రైలర్ తోనే సంచలనం సృష్టిస్తోన్న వకీల్ సాబ్… రిలీజ్ రోజు కూడా ఓ కొత్త ట్రెండ్ కు శ్రీకారం చుట్టబోతున్నాడు. ఏంటా ట్రెండ్? అభిమానులకు పండగేనా? ఇంతకీ ప్రీరిలీజ్ ఈవెంట్ ఎప్పుడు?

Source: Dil Raju

వకీల్ సాబ్ వచ్చేసాడు. వకీల్ సాబ్ గా పవన్ కల్యాణ్ అదరగొట్టారు. ఏప్రిల్ 9న థియేటర్లకు రాబోతున్న వకీల్ సాబ్…ఇప్పుడు ట్రైలర్ తోనే సందడి షురూచేసారు. బాలీవుడ్ హిట్ మూవీ పింక్ రీమేక్ అయినా…మన నేటివిటీకి తగినట్టు కథలో మార్పులు చేసారు డైరెక్టర్ వేణు శ్రీరామ్‌. కాగా నైజాం, ఈస్ట్, వైజాగ్, నెల్లూర్ ప్రాంతాల్లోని కొన్ని థియేటర్లలో వకీల్ సాబ్ ట్రైలర్ ని సరికొత్తగా రిలీజ్ చేసారు.

వకీల్‌సాబ్‌రిలీజ్‌విషయంలో నిర్మాత దిల్‌రాజు మాస్టర్ ప్లాన్ వేసినట్టు తెలుస్తోంది. వైజాగ్‌లోని కొన్ని థియేటర్లలో విడుదల తేదికి ముందు రోజు అర్థరాత్రి 12 గంటల నుంచి మూడు మిడ్‌నైట్ షోలను ఏర్పాటు చేయనున్నారు. అభిమానుల షో గా చెప్పే ఆ షో టికెట్‌ రేట్ భారీ మొత్తంలో ఫిక్స్‌చేశారని టాక్. టికెట్ల రేట్లను సైతం పెంచుతారనే వార్త రావడంతో… మొదటి రోజు వకీల్ సాబ్‌రికార్డు సృష్టించడం ఖాయంగా కనిపిస్తోంది. మరోవైపు పెద్ద మొత్తంలో టికెట్ల రేట్లు పెంచడంతో వకీల్‌సాబ్ సామాన్య ప్రేక్షకులకు దూరమవుతాడనే ఆరోపణలూ వినిపిస్తున్నాయి.

ఇటీవలే తన పాత్రకు డబ్బింగ్ పూర్తిచేసారు పవన్ కల్యాణ్. నిర్మాత దిల్‌రాజు కాంబినేషన్ లో పవన్ చేస్తోన్న తొలి సినిమా వకీల్ సాబ్ కావడం విశేషం. శ్రుతిహాసన్‌పవర్ స్టార్ జోడిగా నటిస్తుండగా… నివేదా థామస్‌, అంజలి, అనన్య నాగళ్ల కీరోల్స్ ప్లే చేసారు. ఇప్పటికే తమన్‌సంగీతం అందించిన వకీల్ సాబ్ పాటలకి సూపర్ రెస్పాన్స్ వచ్చింది. ఇక ఈ మూవీ ప్రీరిలీజ్ ఈవెంట్ ఏప్రిల్ 4న జరుగబోతున్నట్టు తెలుస్తోంది.

స్టార్స్ చకచకా డబ్బింగ్ చెప్పేస్తున్నారు. మేకర్స్ పోస్ట్ ప్రొడక్షన్స్ పనుల్లో బిజీగా ఉన్నారు. 2021 ఎంట్రీ ఇవ్వగానే క్రేజీ సినిమాల రిలీజ్ డేట్స్ యమా స్పీడ్ గా ప్రకటించారు. ఇప్పుడంతే వేగంగా ఆ ప్రాజెక్ట్ లని విడుదలకి రెడీ చేస్తున్నారు. డేట్ దగ్గరపడుతుండటంతో పెట్టాబేడా సర్దేసినట్టు దూసుకుపోతున్న ఆ బిగ్ సినిమాస్ సంగతేంటి?

వకీల్ సాబ్ జోష్ పెంచాడు. రిలీజ్ డేట్ ఏప్రిల్ 9 దగ్గరపడటంతో డబ్బింగ్ కార్యక్రమాలను ముగించారు పవన్ కల్యాణ్. ఐదే ఐదు రోజుల్లో ఫటాఫట్ డబ్బింగ్ పూర్తిచేసిన పవర్ స్టార్…ప్రచారానికి కూడా రెడీ అవుతున్నారు. మార్చి 29న జరగబోతున్న వకీల్ సాబ్ ప్రీరిలీజ్ వేడుకను భారీగానే ప్లాన్ చేసారని సమాచారం. రిలీజ్ కి ఎక్కువ టైమ్ లేకపోవడంతో జనాల్లోకి వకీల్ సాబ్ ను తీసుకెళ్లేందుకు అన్నివిధాలా కసరత్తులు షురూ చేసారు మేకర్స్.

ఏప్రిల్ 2న రాబోతున్న వైల్డ్ డాగ్ కోసం నాగార్జున బరిలోకి దిగారు. వరుస ఇంటర్వ్యూలు, స్పెషల్ ప్రోమో కట్స్ తో ఆడియెన్స్ ను అట్రాక్ట్ చేసే పనిలో ఉంది వైల్డ్ డాగ్ టీమ్. అదేరోజున వస్తోన్న సీటీమార్ టీమ్ సైతం ఉత్సాహంగా ప్రమోషన్స్ చేస్తోంది. పెప్సీ ఆంటీ అంటూ అప్సర రాణి ఇంట్రడ్యూసయిన వెంటనే తెలంగాణ భాషలో డబ్బింగ్ చెప్పి వైరలయింది తమన్నా.

సారంగ దరియా పెంచిన జోష్ తో ఏప్రిల్ 16న థియేటర్స్ కి వచ్చేందుకు చకచకా రెడీఅవుతుంది లవ్ స్టోరీ. నాని టక్ జగదీష్ రిలీజ్ కి నెల రోజుల సమయం కూడా లేకపోవడంతో ప్రమోషన్స్ స్టార్ట్ చేసారు. రాజమండ్రిలో ప్రారంభించిన టక్ జగదీష్ ‘పరిచయ వేడుక’ లాగానే రాయలసీమ – తెలంగాణ ప్రాంతాల్లో ఈవెంట్స్ ప్లాన్ చేస్తున్నారు.

ఆడియన్స్ హాట్ కేక్ లా వెయిట్ చేస్తున్న కేజీఎఫ్ 2… జూలై 16న రిలీజ్ కానుంది. దీంతో హీరో యశ్ డబ్బింగ్ చెప్పడం మొదలు పెట్టారు. రికార్డింగ్ థియేటర్లో రాఖీబాయ్ డైలాగుల డైనమైట్స్ పేల్చేస్తున్నారని టాక్. కన్నడతోపాటు హిందీ డబ్బింగ్ కూడా చెప్తున్నారు యశ్. మరోవైపు పోస్ట్ ప్రొడక్షన్ పనులు కూడా శరవేగంగా సాగుతున్నాయి.

తాజాగా వకీల్ సాబ్ డబ్బింగ్ పనులను ముగించుకున్న పవన్ కళ్యాణ్…పాట పాడేందుకు సిద్ధమయ్యారు. అయితే ఇప్పుడే కాదు. కొంత టైం తీసుకొని పాట పాడుతానని మాత్రం క్లారిటీ ఇచ్చారు. అది కూడా థమన్ సంగీత దర్శకత్వంలో. పవన్ కళ్యాణ్, రానా కాంబోలో మలయాళీ హిట్ అయ్యప్పనుమ్ కోషియం తెలుగు రీమేక్ తెరకెక్కుతున్న సంగతి తెలిసిందే. యువ దర్శకుడు సాగర్ కె చంద్ర డైరెక్ట్ చేస్తోన్న ఈ సినిమాకు థమన్ సంగీతం అందిస్తున్నాడు. కాగా ఇందులోనే పవర్ స్టార్ గొంతు సవరించేందుకు రెడీఅవుతున్నారు. శరవేగంగా చిత్రీకరణ జరుగుతున్న ఈ మూవీకి త్రివిక్రమ్ శ్రీనివాస్… స్క్రీన్ ప్లే, డైలాగ్స్ అందిస్తున్నారు. అయితే ఏప్రిల్ 9న రిలీజ్ కాబోతున్న పవన్ కళ్యాణ్ వకీల్ సాబ్ రిలీజ్ ప్రమోషన్స్ లో భాగంగా థమన్ ఈ విషయాన్ని వెల్లడించాడు. వకీల్ సాబ్ కి కేవలం మ్యూజిక్ మాత్రమే అందించానని..త్వరలోనే తన సంగీతానికి పవర్ స్టార్ పాడనున్నారని చెప్పుకొచ్చాడు థమన్.

పవన్ కల్యాణ్ 26వ సినిమా వకీల్ సాబ్ రిలీజ్ డేట్ దగ్గరపడుతోంది. ఏప్రిల్ 9న ప్రపంచవ్యాప్తంగా ఈ సినిమా రిలీజ్ కాబోతుంది. ఇక దీనికి సంబంధించి ప్రచార కార్యక్రమాల జోరు పెంచిన మూవీ యూనిట్…తాజాగా రిలీజ్ చేసిన కంటిపాప లిరికల్ సాంగ్ ఓ రేంజ్ లో ఆకట్టుకుంటుంది. ఇదిలాఉంటే వకీల్ సాబ్ ప్రీరిలీజ్ ఫంక్షన్ గురించి తాజా అప్డేట్ ఒకటి ఫిల్మ్ సర్కిల్స్ లో చక్కర్లు కొడుతుంది. దిల్ రాజు బృందం చేస్తున్న ప్రీరిలీజ్ ఈవెంట్ సన్నాహాలు ఇప్పుడు అంతటా చర్చగా మారాయి.

‘యూసఫ్ గూడా పోలీస్ గ్రౌండ్స్’ లో ఏప్రిల్ 3న భారీ ఎత్తున వకీల్ సాబ్ ప్రీ రిలీజ్ ఫంక్షన్ నిర్వహించేందుకు ప్లాన్ చేస్తున్నారని టాక్. కాగా అన్నయ్య ‘మెగాస్టార్ చిరంజీవి’ తమ్ముడు పవన్ కల్యాణ్ సినిమా కోసం ముఖ్య అతిథిగా వచ్చే ఛాన్స్ ఉందని సమాచారం. అతిత్వరలో దీనికి సంబంధించిన పూర్తి డిటేల్స్ తెలియనున్నాయి. అంజలి, నివేథా ధామస్, అనన్య ప్రధానపాత్రల్లో…శృతీహాసన్ ముఖ్యపాత్రలో కనిపించనున్న వకీల్ సాబ్ తర్వాత పవర్ స్టార్ మొత్తం 5 ప్రాజెక్టులను లైన్‌లో పెట్టారు. వాటిలో ప్రస్తుతం హరిహర వీరమల్లు, అయ్యప్పయిన్ కోషియుమ్ రీమేక్ చిత్రాల్లో గ్యాప్ లేకుండా నటిస్తున్నారు.

మ‌హిళా దినోత్సవం సంద‌ర్భంగా వకీల్ సాబ్ చిత్రం నుంచి ప‌వ‌ర్ ఫుల్ పోస్ట‌ర్ విడుద‌ల చేశారు. సీరియ‌స్ లుక్‌లో ప‌వన్ కనిపిస్తుడగా… వెనుక నివేథా థామస్, అంజలి, అనన్య నాగేళ్ల నిల్చుని ఉన్నారు.


మ‌హిళా దినోత్సవం సంద‌ర్భంగా విరాట ప‌ర్వం నుంచి స్పెషల్ వీడియో రిలీజ్ చేశారు మేక‌ర్స్. సాయిపల్లవితో పాటూ ఈ ప్రాజెక్ట్ లో మిగిలిన లేడీ లీడ్స్ ను రానా తన వాయిస్ ఓవర్ తో పరిచయం చేసారు.


అనసూయ నటించిన థ్యాంక్యూ బ్రదర్ మూవీ నుంచి మహిళలను పరిచయం చేస్తూ ఓ ఫోటోను రిలీజ్ చేసారు. స్ట్రాంగ్ ఉమెన్స్ అందరికీ మహిళా దినోత్సవ శుభాకాంక్షాలంటూ కామెంట్ చేసారు.

ఉమెన్స్ డే సందర్భంగా పలువురు సెలెబ్రిటీస్ విషెస్ షేర్ చేసారు. సూపర్ స్టార్ మ‌హేష్ బాబు త‌న త‌ల్లి, స‌తీమ‌ణి, కూతురు ఫొటోను షేర్ చేస్తూ.. మహిళా దినోత్సవ శుభాకాంక్షలు అందించారు. తన తల్లి కాళ్లు నొక్కుతున్న ఫోటోను నాగశౌర్య పంచుకోగా… అమ్మతో సరదాగా ఉన్న పిక్ ను ధరమ్ తేజ్, తన జీవితంలో ఉన్న సూపర్ ఉమెన్స్ అంటూ సామ్ ఒక ఫోటోను పోస్ట్ చేసారు.


పవర్ స్టార్ అభిమానులకు మరో శుభవార్త. సినీ ఫ్యాన్స్ ఎంతో ఇంట్రెస్టింగ్ గా ఎదురుచూస్తున్న ‘వకీల్‌ సాబ్‌’ మూవీ నుంచి మరో అప్‌డేట్‌ చెప్పేసారు. ఈ చిత్రంలోని ‘సత్యమేవ జయతే’ అనే పాట లిరికల్ వీడియోను మార్చి 3వ తేదీన రిలీజ్ చేస్తున్నట్టు అనౌన్స్ చేసింది శ్రీ వెంకటేశ్వర క్రియేషన్స్‌ నిర్మాణ సంస్థ. బాలీవుడ్‌ హిట్ ‘పింక్‌’ రీమేక్‌గా ఈ చిత్రాన్ని రూపొందిస్తున్నారు డైరెక్టర్ వేణుశ్రీరామ్. శ్రుతిహాసన్‌ ప్రత్యేక పాత్రలో కనిపిస్తుండగా… అంజలి, నివేదా థామస్‌, అనన్య కీలక పాత్రల్లో నటించారు. బాలీవుడ్‌ ప్రొడ్యూసర్ బోనీ కపూర్‌ సమర్పణలో దిల్‌రాజు ప్రొడ్యూస్ చేస్తున్నారు. తమన్‌ మ్యూజిక్ అందిస్తున్న ఈ ప్రాజెక్ట్ ఏప్రిల్‌ 9న విడుదలకు రెడీఅయింది. కొన్నేళ్ల విరామం అనంతరం వకీల్ సాబ్ గా రీఎంట్రీ ఇస్తున్నారు పవర్ స్టార్. మెదటిసారి తన ఫిల్మ్ కెరీర్లో లాయర్‌ రోల్ చేస్తున్నారాయన. ఇక గతేడాది రిలీజైన ‘మగువా మగువా’ అంటూ సాగే పాట ప్రేక్షకుల్ని బాగా ఆకట్టుకోగా…సత్యమేవ జయతే ఎలా ఉంటుందో చూడాలి మరి.

పవర్ స్టార్ పవన్ కళ్యాణ్ నటించిన వకీల్ సాబ్ మూవీని భారీ రేటుకి దక్కించుకుంది అమేజాన్ ప్రైమ్ ఓటీటీ. ఏప్రిల్ 9న థియేటర్స్ కి రానున్న వకీల్ సాబ్…50రోజుల తర్వాత మాత్రమే ఓటీటీలో ప్రసారం చేయాలని ఒప్పందం కుదుర్చుకున్నారు నిర్మాత దిల్ రాజు. అంటే ఈ ఒప్పదం ప్రకారం మే నెలాఖరులో ఓటీటీలో స్ట్రీమింగ్ కానుంది వకీల్ సాబ్.

మరోవైపు క్రిష్ డైరెక్షన్లో తాను నటిస్తోన్న సినిమాలో పనిచేసిన మల్లయోధులను పవర్ స్టార్ పవన్ కళ్యాణ్ సన్మానించారు. అవివీతిపై పోరుకు మావసిక దారుఢ్యంతో పాటు శారీరక దారుఢ్యం అవసరమని ఈ సందర్భంగా పవన్ కళ్యాణ్ అన్నారు. ఇతర రాష్ట్రాల నుంచి వచ్చి ఎంతో కష్టపడుతున్న మల్లయోధులను ప్రోత్సహించి వావ్ అనిపించారు పవన్ కళ్యాణ్.