లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

ఎఫ్2 బ్లాక్ బస్టర్ హిట్ తో అనిల్ రావిపూడి ఎఫ్3 తెరకెక్కిస్తున్న విషయం తెలిసిందే. దిల్ రాజు నిర్మాణంలో ఆల్ మోస్ట్ ఆల్ సేమ్ నటీనటులతో రూపొందిస్తున్నారు. భార్యభర్తల మధ్య వచ్చే సరదా సన్నివేశాలతో ఎఫ్ 2 తెరకెక్కించగా…ఆ ఫ్యామిలిని డబ్బు పెట్టిన తిప్పలను ఎఫ్3లో చూపిస్తున్నారట.
అయితే ఈ మూవీలోఉన్న ఇద్దరు హీరోలు, ఇద్దరు హీరోయిన్లు కామన్. వెంకీ సరసన తమన్నా, వరుణ్ తేజ్ జోడీగా మెహరీన్ నటిస్తున్నారు. అయితే ఇందులో మరో హీరోయిన్ కు ఛాన్స్ ఇచ్చాడట అనిల్ రావిపూడి. ఆ పాత్ర కోసం బాలీవుడ్ బ్యూటీ సోనాలి చౌహాన్ ను పట్టుకొస్తున్నట్టు సమాచారం.
నిజానికి ఈ సోనాలికి తెలుగు తెర కొత్తెమి కాదు. గతంలో నందమూరి బాలయ్యతో రెండు చిత్రాలు, రామ్ తో ఒక సినిమా చేసింది. అలాగే ఇంకొన్ని చిత్రాల్లో నటించినా పెద్దగా అవకాశాలు రాలేదు. అనిల్ తీసుకున్న నిర్ణయం నిజమైతే ఈ భామ కొంత గ్యాప్ తరువాత మళ్లీ తెలుగులో సందడి చేయబోతుంది.
ఇంతకుముందు కూడా ఎఫ్ 3 విషయంలో మరో హీరో ఉంటాడన్న ప్రచారం జోరుగా సాగింది. రవితేజ, సాయిధరమ్ తేజ్ ఇలా చాలామంది పేర్లే వినిపించాయి. కానీ అవేమి నిజం కాదు…అసలు మూడో హీరోనే లేడన్నారు అనిల్ రావిపూడి. మరిప్పుడు మూడో హీరోయిన్ అన్న న్యూస్ వైరల్ అవుతోంది. మరి సోనాలి నిజంగానే కనిపించనుందా అన్నది దర్శకనిర్మాతలే ప్రకటించాలి.

గని…బాక్సింగ్ డ్రామా నేపథ్యంలో మెగా ప్రిన్స్ వ‌రుణ్ తేజ్ నటిస్తోన్న 10వ సినిమా. కిరణ్ కొర్రపాటి దర్శకత్వంలో తెరకెక్కుతున్న ఈ సినిమా విడుదల తేదీ జూలై 30 అని ప్రకటించారు. ప్రభాస్ రాధేశ్యామ్ కూడా అదే రిలీజ్ డేట్ ను బుక్ చేసుకోవడంతో గని వెనక్కితగ్గుతాడామే చూడాలి. సరే ఏదేమైనా ప్రస్తుతం శరవేగంగా షూటింగ్ జరుపుకుంటోంది గని చిత్రం. ప్ర‌స్తుతం హైద‌రాబాద్‌లో సెకండ్ షెడ్యూల్ చిత్రీకరణ జరుగుతుండగా…క‌న్న‌డ స్టార్ హీరో ఉపేంద్ర గని టీంతో చేతులు కలిపారు. ఆయ‌నకు మూవీ యూనిట్ పుష్ప‌గుచ్ఛంతో స్వాగ‌తం ప‌లికింది. ఉపేంద్ర ప‌వర్‌ఫుల్ పాత్ర‌లో వరుణ్ తేజ్ తండ్రిగా నటిస్తున్నట్టు తెలుస్తోంది.
మెగా ప్రొడ్యూసర్ అల్లు అర‌వింద్ స‌మ‌ర్పణ‌లో రెన‌సాన్స్ ఫిలింస్‌, బ్లూ వాట‌ర్ క్రియేటివ్ బ్యానర్లపై అల్లు బాబీ, సిద్ధు ముద్దా ఈ చిత్రాన్ని ప్రొడ్యూస్ చేస్తున్నారు. బాలీవుడ్ గర్ల్ సయీ మంజ్రేక‌ర్ హీరోయిన్ గా కనిపించనుంది. బాలీవుడ్ స్టార్ సునీల్ శెట్టి బాక్సింగ్ కోచ్ గా నటిస్తుండగా…వర్సటైల్ యాక్టర్ జగపతిబాబు విలన్ గా యాక్ట్ చేస్తున్నారు. నవీన్ చంద్ర మరో కీలక పాత్రలో నటిస్తున్నాడు. ఈ సినిమాకి జార్జ్ సి విలియమ్స్ సినిమాటోగ్రఫీ అందిస్తుండగా… మ్యూజిక్ డైరెక్టర్ తమన్ సంగీతాన్ని అందిస్తున్నారు.

రాధేశ్యామ్ రిలీజ్ డేట్ జూలై 30 అని ప్రకటించడంతో ఆలోచనలో పడ్డారు వరుణ్ తేజ్ గని మేకర్స్. మరి జూలై 30నే వరుణ్ తేజ్, ప్రభాస్ పోటీపడుతారా..లేదంటే వరుణ్ వెనక్కి తగ్గుతారా అన్నది హాట్ టాపిక్ గా మారింది. ఇక ఏప్రిల్ 9న రిలీజ్ డేట్ ప్రకటించిన వకీల్ సాబ్ తో పోటీపడేందుకు సిద్ధమయ్యారు తమిళ్ స్టార్ ధనుష్. ఈ హీరో నటించిన కర్ణన్ మూవీని సైతం మల్టీ లాంగ్వేజేస్ లో ఏప్రిల్ 9వ తేదీనే విడుదల చేస్తున్నారు మేకర్స్. అలాగే గోపీచంద్ ఆల్రెడీ అనౌన్స్ చేసిన సిటీమార్ రిలీజ్ డేట్… ఏప్రిల్ 2పైనే కన్నేసారట నాగార్జున. అదేరోజున నాగ్ నటించిన వైల్డ్ డాగ్ సైతం విడుదలకు రెడీఅయినట్టు టాక్ వినిపిస్తోంది.

నిజానికి పవన్ కల్యాణ్, వరుణ్ తేజ్, గోపీచంద్ సినిమాల రిలీజ్ డేట్స్ ఎప్పుడో ప్రకటించారు దర్శకనిర్మాతలు. కొత్తగా ఇవే డేట్స్ పై కర్చీఫ్ వేసారు ధనుశ్, ప్రభాస్, నాగార్జున సినిమాల దర్శకనిర్మాతలు. ఈ పోటీని చూస్తుంటే ప్రభాస్ రాధేశ్యామ్ ని తలపడకుండా వరుణ్ తేజ్ గని వెనక్కి తగ్గే ఛాన్స్ కనిపిస్తోంది. కానీ వకీల్ సాబ్, కర్ణన్ సినిమాలూ…సీటీమార్, వైల్డ్ డాగ్ సినిమాలకి మాత్రం పోటీ తప్పేలా కనిపించడం లేదు. చూద్దాం…ముందు ముందు ఏం జరుగబోతుందో….

మెగా ప్రిన్స్ వరుణ్ తేజ్ డేట్ ఫిక్స్ చేసుకున్నారు. బాక్సర్ గా జూలై 30వ తేదీన బరిలోకి దిగనున్నారు. వరుణ్ తేజ్ నటిస్తున్న “గని” రిలీజ్ డేట్ కి సంబంధించి అఫిషియల్ అనౌన్స్ మెంట్ చేశారు మేకర్స్. జనవరి 19న వరుణ్ పుట్టినరోజు కానుకగా ఫస్ట్ లుక్ ప్లస్ టైటిల్ విడుదల చేసిన మూవీ యూనిట్… తాజాగా జూలై 30న గని ప్రేక్షకుల ముందుకు రానున్నాడని చెప్పేసింది.
ఇండియాలో బాక్సర్లు ఫేస్ చేస్తున్న సమస్యలను ఎత్తిచూపే ప్రయత్నం చేస్తున్నారట ఈ సినిమాతో. కిరణ్ కొర్రపాటి దర్శకుడిగా పరిచయమవుతున్నారు. ఇక తండ్రిగా ఉపేంద్ర, కోచ్ గా సునీల్ శెట్టి, విలన్ గా జగపతి బాబు కనిపించనున్నారు. బాలీవుడ్ దర్శక నిర్మాత మహేష్ మంజ్రేకర్ కుమార్తె సయూ మంజ్రేకర్ హీరోయిన్ గా ఈ మూవీతో టాలీవుడ్ ఎంట్రీ ఇస్తోంది. మరో కీలక పాత్రలో నవీన్ చంద్ర నటిస్తున్నారు. సో..ఇన్ని ప్రత్యేకతలు ఉన్న గని జూలై 30న వచ్చి ఎంతలా ఆడియెన్స్ ని ఎంగేజ్ చేస్తాడో చూడాలి.

సమ్మర్ లో రిలీజ్ కానున్న ఎఫ్ 3 మూవీలో వెంకీ, వరుణ్ లతో పాటూ మరో హీరో కూడా సందడి చేస్తారన్న వార్త కొన్నిరోజులుగా చక్కర్లు కొడుతుంది. సినిమా ప్రారంభానికి ముందు మహేశ్‌ బాబు, రవితేజ కనిపిస్తారని వార్తలొచ్చాయి. అయితే ముహూర్తం రోజున అనిల్ రావిపూడి అలాంటిదేమి లేదని క్లారిటీ ఇవ్వడంతో వారి పేర్లు మళ్లీ వినబడలేదు. కానీ మళ్లీ మొన్న గోపీచంద్‌ అన్నారు. ఆ తర్వాత మెగా హీరో సాయి ధరమ్ తేజ్‌ ఫిక్స్ అయ్యారనే వార్త బాగా వైరలయింది. అయితే తాజాగా ఈ రూమర్స్ కి చెక్ పెట్టారు అనిల్ రావిపూడి. ఎఫ్ మూవీలో మరో హీరోకి అవకాశమే లేదని…మూడో హీరో అంటూ ప్రత్యేకంగా ఎవరూ ఉండరని క్లారిటీ ఇచ్చారు. నిజానికి తాను అనుకున్న కథలో మూడో హీరోకు ఛాన్స్ లేదని చెప్పుకొచ్చారు. సేమ్ టు సేమ్ ఎఫ్ 2 లాగానే ఎఫ్ 3 కూడా వెంకీ, వరుణ్ లతో మాత్రమే తెరకెక్కిస్తానని తెలియజేసారు. కాగా దేవిశ్రీ ప్రసాద్‌ మ్యూజిక్ అందిస్తున్న ఈ సినిమా 2021 సమ్మర్ కానుకగా విడుదలవుతుందని ప్రకటించారు.
దిల్ రాజు నిర్మిస్తున్న ఈ ప్రాజెక్ట్ లో రాజేంద్ర ప్రసాద్ ప్లేస్ లో సునీల్ కనిపించనున్నట్టు తెలుస్తోంది. ఎఫ్ 2లో భార్యల మనస్తత్వానికి తోడూ రాజేంద్రప్రసాద్ జతై సినిమా ముందుకు సాగుతుంది. అయితే ఎఫ్ 3లో డబ్బు వలన ఫ్యామిలో ఇబ్బందులు తలెత్తి…వీళ్లకి సునీల్ జతై సినిమాలో ఫన్ క్రియేట్ అవుతోందని తెలుస్తోంది. కాన్సెప్ట్ పోస్టర్ లో డబ్బునే ప్రధానంగా హైలైట్ చేసి విషయాన్ని చెప్పకనే చెప్పేసారు అనిల్ రావిపూడి. చూద్దాం ఈ వేసవిలోనే రిలీజ్ కానున్న ఎఫ్ 3 ఎలా సందడి చేస్తుందో….

వరుణ్ తేజ్ పుట్టినరోజు సందర్భంగా…ఈ హీరో నటిస్తున్న కొత్త సినిమా ఫస్ట్ లుక్ రిలీజ్ చేసారు. ‘గని’ అన్న టైటిల్ ను ఖరారు చేస్తూ వరుణ్ ఇస్తున్న పంచ్ హైలైట్ గా మారింది. లైగర్ లో బాక్సర్ గా విజయ్ దేవరకొండ నటిస్తుంటే బాక్సర్ గనిగా వరుణ్ తేజ్ కనిపించబోతున్నారు. ఈ మూవీలో హీరో పాత్ర పేరు గని కాబట్టే..టైటిల్ కి కూడా ఆ పేరే కన్ఫర్మ్ చేసినట్టు తెలుస్తోంది.
ఫాదర్ సెంటిమెంట్ తో తెరకెక్కుతున్న ఈ సినిమాలో వరుణ్ తండ్రిగా స్టార్ యాక్టర్ ‘ఉపేంద్ర’ నటిస్తున్నారు. ఇక వరుణ్ తేజ్ కోచ్ గా బాలీవుడ్ నటుడు ‘సునీల్ శెట్టి’, విలన్ గా ‘జగపతిబాబు’ కనిపించబోతున్నారు. ‘నవీన్ చంద్ర’ కూడా కీ రోల్ పోషిస్తున్న గనికి ‘తమన్’ సంగీతం అందిస్తున్నారు.

Source: Geetha Arts

ఎఫ్ 2 తో అంచనాలు మించి రికార్డ్ హిట్ అందుకున్న ఎఫ్ 2 మూవీ 2019 సంక్రాంతికి రాగా…ఇంటికొచ్చిన కొత్త అల్లుళ్లలా సరదా చేసి ప్రతిఇంటి ప్రేక్షకులను అలరించారు వెంకీ, వరుణ్. ఇక ప్రస్తుతం సెట్స్ పైనున్న ఎఫ్ 3 2021 దసరా కానుకగా వచ్చేందుకు ముస్తాబవుతుంది. అయితే ఎఫ్2కి, ఎఫ్3కి చాలా విషయాల్లో తేడా వచ్చింది. డైరెక్టర్ అనిల్ రావిపూడి నుంచి వెంకీ, వరుణ్ తేజ్ వంటి స్టార్ కాస్ట్ భారీ రెమ్యూనిరేషన్ అందుకుంటుంది ఎఫ్ 3కి. అలాగే సునీల్, బొమాన్ ఇరానీ వంటివారు అదనపు ఆకర్షణగా కనిపించనున్నారు. దీంతో ఈ మూవీ బడ్జెట్ 70కోట్ల రూపాయలవుతుందని ఓ అంచనా.
ఎంతైతే ఖర్చుపెడుతున్నారో…అంతకు మించి రాబట్టుకోబోతున్నారు నిర్మాత దిల్ రాజు. లో బడ్జెట్ లో నిర్మించిన ఎఫ్ 2…బాక్సాఫీస్ ని కొల్లగొట్టి కాసులు రాల్చింది. అంతేనా ఎఫ్ 3పై భారీగా అంచనాలను పెంచేసింది. దీంతో ఎలాగూ ప్రీ బిజినెస్ బాగా జరుగుతుందనే నమ్మకం ఉంది. ఇక తాజాగా ఆ నమ్మకాన్ని నిలబెడుతూ ఎఫ్3 డిజిటల్ రైట్స్ రికార్డ్ రేటులో అమ్ముడయింది. అమెజాన్ ప్రైమ్ ఫ్యాన్సీ రేట్ కి ఈ మూవీ స్ట్రీమింగ్ రైట్స్ దక్కించుకున్నట్టు తెలుస్తోంది. డిజిటల్ రైట్సే ఇంత మంచి రేటుకి పోతే సినిమా బాక్సాఫీస్ ను కొల్లగొట్టడం ఖాయమంటున్నారు సినీజనాలు.