ప్రభాస్ రామునిగా కనిపించనున్న ఆదిపురుష్ షూటింగ్ ప్రారంభమైంది. టైటిల్ లోగోతో ఉన్న ఆదిపురుష్ ఆరంభ్ అనే సందేశాన్ని తన ట్విట్టర్ లో పోస్ట్ చేసారు ప్రభాస్. ఓం రౌత్ డైరెక్ట్ చేస్తున్న ఈ ఫిల్మ్ కి సంబంధించి రెండు వారాల క్రితమే మోషన్ కాప్చర్ షూట్ ను ప్రారంభించారు. ఇప్పుడిక నేరుగా షూటింగ్ లో పాల్గొంటున్నారు ప్రభాస్. రావణుడిగా సైఫ్ అలీఖాన్, రాముని తల్లి కౌసల్యగా హేమామాలిని కూడా ఈ షూట్ లో పాల్గొంటారని తెలుస్తోంది. సీతగా కృతీసనన్ అన్న పేరు వినిపిస్తుందే కానీ..ఇంతవరకు ఎలాంటి అధికారిక ప్రకటన వెలువడలేదు. దీంతో ఇప్పుడు ప్రభాస్ పక్కన సీతగా కనిపించే హీరోయిన్ ఎవరన్న దానిపై సర్వత్రా ఆసక్తి నెలకొంది.

ఇక రాధేశ్యామ్ పూర్తి చేసుకొని రీసెంట్ గా సలార్ షూటింగ్ లో పాల్గొన్నారు ప్రభాస్. తెలంగాణ…గోదావరిఖని, రామగుండం బొగ్గుగనుల్లో షూటింగ్ వీడియోలు సైతం బాగా వైరలయ్యాయి. ప్రస్తుతం సలార్ నుంచి ఆదిపురుష్ లోకేషన్ కు జంప్ చేస్తున్నారు. చూస్తుంటే…ఏకబికిన అంగీకరించిన ప్రాజెక్ట్ లను కంప్లీట్ చేసేలా ఉన్నారు డార్లింగ్. ఇవి త్వరగా పూర్తయితేనే…నాగ్ అశ్విన్ కాంబో మూవీ కోసం కష్టపడాలి. అందుకోసమే తీరిక లేకుండా బిజీబిజీగా సినిమాలు చేసేస్తున్నారు.

Leave a Reply

Your email address will not be published. Required fields are marked *